ابڙو اڪيڊمي Abro Academyابڙو اڪيڊمي Abro Academy

تعميرات : (ابڙو اڪيڊمي)

2020-11-06
داخلا نمبر 1341
عنوان تعميرات
شاخ ڀٽائي، سوانح عمري
پڙهيو ويو 1217
داخلا جو حوالو:

هن داخلا لاءِ تاريخ جا حوالا موجود نه آهن

هن داخلا جون تصويرون نه مليون

تعميرات جا بنياد
ڀٽائي، سوانح عمري / بدر ابڙو / ابڙو اڪيڊمي Abro Academy / علمي ادبي پورهيو /

تعميرات - مان نڪتل ٻيون شاخون-

تعميرات


شاخ ڀٽائي، سوانح عمري
ٽوٽل صفحا1
موجودہ صفحو0
اڳلو صفحو-0-گذريل صفحو

تعميرات
شاهه سائينءَ شاهه ڪريم جي درگاه تي 1156 هه (1743ع) کان ڪم شروع ڪرايو جيڪو ٽي سال هليو. ڪاشي جي هڪ سر لڌي وئي آهي جنهن تي اهو سن ۽ تاريخي مادو ”هست درگاه ڪريم و جلوه گاه حق ابد ـ 1156“ لکيل آهي (ڊاڪٽر بلوچ). شاهه سائين اها ڪاشي ملتان مان تيار ڪرائي ٻيڙيءَ وسيلي بلڙي کڻائي آيو هو جو ان وقت درياهه بلڙيءَ وٽان لنگهندو هو. انڪري پاڻ چئي سگهون ٿا ته شاهه سائين 1155 هجريءَ (1742ع) ۾ ملتان ويو هوندو. ممڪن آهي ته ڪاشيءَ جون سڀ سِرون ملتان جون ٺهيل نه هجن، پر ڪجهه ضرور اتان جون ٺهيل آهن. باقي ڪاشي هالا يا نصرپور جي ٿي سگهي ٿي. درگاهه شاهه ڪريم جي اڏاوت وقت شاهه لطيف جي عمر (اسلامي ڪئلنڊر موجب) 54 سال هئي،. شاهه لطيف ان درگاهه جي اڏاوت وقت هڪ سِر جنهن تي ’لطيف‘ لکيل هو، نصب ڪرائي هئي، جيڪا بلڙيءَ جي سيد عبدالواسع شاهه پٽائي ڇڏي هئي. هي اهو ئي سيد عبدالواسع آهي جيڪو شاهه عنايت جي شهادت کان اڳ شاهه عنايت خلاف چرچ ۾ شامل هو، ۽ شاهه لطيف سان انڪري نه پوندي هئس جو سمجهيائين پئي ته متان درگاهه تي پنهنجو حق ڄمائي.
شاهه ڪريم جي مزار سان گڏ هڪ مسجد آهي، جيڪا پڻ شاهه سائينءَ جي ٺهرايل آهي. هن ٻيون مسجدون ٺاهڻ ۾ به عملي طرح حصو ورتو، انهن مان هڪ ڀٽ شاهه هالا رستي تي وڏي گنبذ سان آهي. اها ديهه شيخاڻي ۾ ڄڙهن جي ڳوٺ وٽ آهي، ان مسجد جي حدن ۾ موجود کوهه کي ’شاهه جي کهي‘ چوندا آهن. شاهه سائينءَ هن مسجد ۾ پنهنجن هٿن سان اوساري ڪئي هئي. شاهه لطيف جنهن ريت ڀٽ شاهه تي آباد ٿيڻ جي رٿا ٺاهي، ۽ شاهه ڪريم جو روضو ٺهرايو، اها هڪ مڪمل ثابتي آهي ته هو چڱي رٿابندي ڪندڙ هو، ۽ محض ’تارڪ‘ نه هو جيئن مير علي شير قانع هن لاءِ بار بار لکيو آهي.




ٽوٽل صفحا1
موجودہ صفحو0
اڳيون صفحو-0-گذريل صفحو

تعميرات ھنن داخلائن ۾ پڻ استعمال ٿيل آھي
تعميرات