2020-06-21
داخلا نمبر 197
عنوان روهڙي
شاخ سنڌوءَ جو سفر
پڙهيو ويو 3006
داخلا جو حوالو:
هن داخلا جون تصويرون نه مليون
روهڙي
روهه معنيٰ ٽڪري ۽ روهڙي معنيٰ ننڍڙي ٽڪري. هيءُ سڌوسنئون جاگرافيائي نالو آهي. روهڙي، ٽڪرين تي ٺهيل آهي. سنڌوءَاروڙ کان منهن موڙيو ته هتان اچي نڪتي ۽ ان جي ڪڍ اروڙ جي آبادي به هتي اچي گهر اڏيا. پر ان کان به اڳي هيءُ ٽڪريون آباد هيون جنهن ڪري شڪ پوي ٿو ته ان کان به اڳ ڪڏهن سنڌوءَ جو وهڪرو سکر روهڙيءَ جي ٽڪرين وٽان هو. سکر ۽ روهڙيءَ جي ٽڪرين تان نه فقط پٿر جي دور جا اوزار لڀجن ٿا پر پوءِ وارن وقتن ۾ به هتي آباديون موجود هيون. اهو سلسلو سکر جي اتر کان لاکين جي دڙي وٽان شروع ٿي ڪوٽڏجيءَ جي آثارن تائين هلي ٿو.