سرنگهه، پَـر نانگ

سرنگهه، پَـر نانگ /Coluber Platyceps rhodorhachis /



هن بلا جو رنگ مِٽيائون يا ڳاڙهاڻ مائل ڀورو ٿئي ٿو. جسم تي 60 کان 75 پاسيرا چِٽ يڪسان طور تي هلڪي ڪاري رنگ جي ڇلر سان ٺهي ملن ٿا. پاسن کان ان ئي رنگ جا ننڍا نشان هوندا آهن. جسم جو پويون حصو عام طور تي هلڪو ۽ ڪڏهن ڪڏهن سڄي بلا ساڳي رنگ جي هلڪي ڪاري هوندي آهي. پيٽ اڇو ۽ پويون حصو مِٽيائون هوندو اٿس.

هيءَ بلا عام طور تي جابلو علائقن ۾ پٿرن ۾ رهندي آهي، خطري وقت هڪدم سوڙهين وٿين ۾ گهڙي ويندي آهي. ڏينهن جو سرگرم رهندي آهي ۽ تمام تيزيءَ سان حرڪت ڪندي آهي. ڪِرڙيون کائيندي آهي. طبيعت ۾ خارباز آهي ۽ پڪڙجڻ تي مقابلو ڪندي آهي. ترڪستان، شام، عرب ۽ پاڪستان ۾ لداخ کان سنڌ جي جابلو علائقن ۾ ملي ٿي. ميداني علائقن ۾ نظر نه ٿي اچي.