ابڙو اڪيڊمي Abro Academyابڙو اڪيڊمي Abro Academy

شاهه سائينءَ جا فقير : (ابڙو اڪيڊمي)

2020-11-06
داخلا نمبر 1342
عنوان شاهه سائينءَ جا فقير
شاخ ڀٽائي، سوانح عمري
پڙهيو ويو 1155
داخلا جو حوالو:

هن داخلا لاءِ تاريخ جا حوالا موجود نه آهن

هن داخلا جون تصويرون نه مليون

شاهه سائينءَ جا فقير جا بنياد
ڀٽائي، سوانح عمري / بدر ابڙو / ابڙو اڪيڊمي Abro Academy / علمي ادبي پورهيو /

شاهه سائينءَ جا فقير - مان نڪتل ٻيون شاخون-

شاهه سائينءَ جا فقير


شاخ ڀٽائي، سوانح عمري
ٽوٽل صفحا1
موجودہ صفحو0
اڳلو صفحو-0-گذريل صفحو

شاهه سائينءَ جا فقير
شاهه صاحب جا ويهارو کن تمام ويجها فقير هئا. ميان محمد عالم ڏيرو (ڀٽائي صاحب جو ماسات)، ورو فقير (وڳنڌ)، ميان عبدالواسع سالارو، اسماعيل فقير ڀينءَ پوري، ڪمال فقير سنريو، نور محمد ابڙو (ڪاٺڙي جو ويٺل)، سيد سائين ڏنو متعلوي، اجن فقير ڏيرو، سکر فقير ڏيرو، احمد فقير سمو، محمد رحيم فقير (منشي)، عمر فقير (دايو) جنهن پرورش ڪئي، عنايت وساڻ (جت)، عبدالجليل فقير (نماز وضو جو بندوبست ڪندڙ)، وهيو ن فقير (جيڪو ڪتا به سنڀاليندو هو)، رحمو فقير (لنگر خاني جو انچارج)، قاسم فقير، سومر فقير (پير پٺي طرف ويٺل)، عارف فقير، عرس فقير ساند (حافظ ڪلام ۽ راڳائي)، سيد نقي شاهه (سرود وڄائندڙ)، ميان هاشم ريحاڻ پوٽو ۽ تمر فقير انهن ويجهن فقيرن ۾ شامل هئا. اٽل ۽ چنچل دهليءَ جا گويا ميان نور محمد وٽ آيا هئا، پوءِ ڀٽائي صاحب جو ٻڌي وٽس به آيا. چون ٿا ته هنن ئي شاهه سائينءَ جي ڪلام کي راڳن ۾ ترتيب ڏنو.

• ڀٽ شاهه تي شاهه لطيف جي روضي کان اولهه ڏکڻ ۾ واقع چوکنڊيءَ ۾ چار فقير رکيل آهن. اتر اوڀر ۾ تمر فقير، اتر اولهه ۾ اسماعيل فقير، ڏکڻ اوڀر ۾ ڪامل فقير ۽ ڏکڻ اولهه ۾ جمعو فقير.
• فقير محمد عالم ڏيرو تمر فقير واري چؤکنڊي کان اوڀر ۾ ٻي قطار ۾ ٻيو نمبر قبر ۾ آرامي آهي.
• تمر فقير اڃا ڪچي وهيءَ جو هو جو شاهه لطيف وفات ڪئي. البت هن شاهه سائينءَ جي سامهون راڳ ڳاتو آهي ۽ راڳ سرود ۾ استاد هو (لطف لطيف). تمر جي تربيت فقير محڪم الدن سيلانيءُ ڪئي. تمر فقير عربستان ۾ ڄائو هو ۽ سڄي عمر شادي نه ڪيائين.
• فقير محڪم الدين ڪڇ جو هو ۽ شاهه حبيب جي پيرن کان رکيل آهي.
• مائي نيامت (نعمت) ٺوڙهي، اسماعيل فقير کاهوڙي ۽ يعقوب شهيد گنج جوڙڻ ۾ اهم ڪردار ادا ڪيو. ٽنهي کي شاهه جا بيشمار بيت ياد هئا. يعقوب راڳ جو ماهر ۽ ڪلام جو حافظ هو. يعقوب فقير جي شهيد ٿيڻ کان پوءِ مائي نيامت ۽ اسماعيل فقير گنج مڪمل ڪيو.
• موسيٰ فقير ترائي مدئجي ۾ رکيل آهي.
• عبدالعليم ڀٽائي جنهن گنج شريف جي ڪتابت ڪئي، بڙ واري ڍوري بدين تي رکيل آهي.
• وهيون فقير ۽ جمال فقير هڪٻئي جي ڀر ۾ ڀٽ شاهه تي رکيل آهن، اتي ئي موتي (شاهه لطيف جو ڪتو) به دفن آهي.
• آچر فقير ۽ محمد فقير اوڏ يعقوب شهيد قبرستان ۾ پوريل آهن.
• عنايت فقير شاهه سائينءَ جو ڪلام لکندو ويندو هو (لطائف لطيفي).
• مدن مست شاهه لطيف جي پيرانديءَ کان دفن آهي، مقبري جي اڏاوت وقت سندس سماڌي ديوار ۾ اچي وئي آهي. پر تازو هڪ هندو عقيدتمند دعوا ڪئي آهي ته مدن بکر ٻيٽ تي محسن شاهه جي قبرستان ۾ دفن آهي.


شاهه سائينءَ جي حوالي سان اڃا به کوڙ پهلو آهن جن تي تفصيل سان بيان ڪري سگهجي ٿو پر هتي فقط اهم نقطن ۽ نتيجا ڪڍڻ تي اڪتفا ڪئي وئي آهي،




ٽوٽل صفحا1
موجودہ صفحو0
اڳيون صفحو-0-گذريل صفحو

No Article found