2020-10-13
داخلا نمبر 693
عنوان ڪوراڙ
شاخ ڪرڙانگ
پڙهيو ويو 2608
داخلا جو حوالو:
هن داخلا جون تصويرون نه مليون
ڪوراڙ Spalerosophis
هن جنس جون بلائون ڪولوبريڊاءِ (Colubridae) ڪٽنب ۾ اچن ٿيون. اهو ڪٽنب دنيا ۾ وڏي ۾ وڏو آهي جنهن ۾ نه رڳو ڪوراڙ جا سڀ قسم اچي وڃن ٿا پر ان ڪٽنب ۾ نانگن جا کوڙ سارا قسم شامل ڪيا ويا آهن جيڪي شڪل صورت، عادتن، وصفن ۾ هڪٻئي کان مختلف آهن ۽ مختلف ماحولن ۾ رهن ٿا. سائنسدانن ان ڪٽنب کي ذيلي ڪٽنبن ۾ ورهايو آهي، جن مان ٻه ذيلي ڪٽنب پاڪستان ۾ آهن: ڪولوبريناءِ (Colubrinae) ۽ هومئلاپسيناءِ (Homalopsinae). ذيلي ڪٽنب ڪولوبريناءِ کي 40 جنسن ۾ ورهايو ويو آهي، جن مان 11 جنسون پاڪستان ۾ آهن. انهن مان هڪ جنس ڪوراڙ (Spalerosophis) آهي.
ڪوراڙ جنس جا ٽي قسم سنڌ ۾ آهن. سنڌي جوڳي ڪوراڙ جا پنج قسم ٻڌائين ٿا: سوناري (سونهري ڪوراڙ)، لوهاري ڪوراڙ ، ڪنڀاري ڪوراڙ ، جهنڊر ڪوراڙ ۽ ڪوڏڻ ڪوراڙ. جوڳين وٽان مليل معلومات ۾ وڏو مونجهارو ۽ ڏند ڪٿائون هونديون آهن. ايئن ٿو لڳي ته سائنسي معلومات جي کوٽ ۽ ڪوراڙن جي مختلف رنگي حالتن ۽ عمر سان پيدا ٿيندڙ رنگن ۾ فرق سبب جوڳين Spalerosophis جنس جي نانگن کي ڪوراڙن جا گهڻا قسم سمجهيو آهي.