ڪوڏياري لنڊي Vipera russelii/ Russells Viper, Daboia russelii /
هن لنڊيءَ جي ڊيگهه 1.20 کان 1.35 ميٽر ۽ پڇ 160 کان 180 ملي ميٽر آهي. جسم هلڪو ڳاڙهاڻ مائل ڀورو يا ميٽائون ڀورو ٿئي ٿو. پٺيءَ تي 23 کان 29 وڏا ڪوڏين جهڙا بيضوي ڳاڙهسرا ڀورا نشان ٿين ٿا (جنهن تان انهن جو نالو ڪوڏياري پيو آهي). انهن چٽن جا ڪنارا اڇا ٿين ٿا. اهي چٽ پاڻ ۾ لڳ ڀڳ مليل هوندا آهن. جسم جي ٻنهي پاسي به اهڙا ئي نشان هوندا آهن. مٿي جي پوئين حصي تي گهري رنگ جا ٻه نشان هوندا آهن. ٻوٿ تي ‘V’ جو نشان ٿئيس ٿو. پيٽ گلابي يا اڇو هوندو اٿس جنهن تي ڀورن ڇلرن جا ڪنارا اڇا هوندا آهن.
ڪوڏياري عام طور تي گاهه جي ميدانن، ٻنين، خشڪ ڪلراٺن علائقن ۾ پاڻيءَ جي ڀرپاسي ۾ پکڙيل گاهه ۾ ملندي آهي. جڏهن ٻوڏ جو پاڻي هيٺانهن علائقن ۾ ڀرجي ويندو آهي، تڏهن اها ڪجهه مٿانهن علائقن ڏانهن هلي ويندي آهي. ڪوڏياري رات جو سرگرم هوندي آهي ۽ ڪوئا، ڪِرڙيون ۽ ڏيڏر شڪار ڪندي آهي. شڪار جي جسم ۾ زهر داخل ڪرڻ کان پوءِ جڏهن شڪار مري ويندو آهي، ان کي ڳيهي ويندي آهي.
ڪوڏياري طبيعت ۾ ٿڌي ۽ سست هو ندي آهي، گهڻو وقت جسم کي وڪڙ ڏيئي ويٺي هوندي آهي. اوسي پاسي ۾ ٿيندڙ هلچل سان پريشان نه ٿيندي آهي. پر جيڪڏهن کيس سڌيءَ طرح ڇيڙيو وڃي ته ڪاوڙ ۾ ڦوڪون ڏيئي، اوچتو حملو ڪندي آهي.
فيبروريءَ کان مارچ ۾ لڳ ڪندي آهي ۽ مئي کان جُون تائين 16 کان 25 ٻچا ڏيندي آهي.
هن بلا جي کل به وڪامجندي آهي. اوڀر ايشيا ۾ تائيوان کان وٺي انڊونيشيا، برما، هندستان ۽ پاڪستان ۾ ٿئي