ڪُڪُري پٽا پٽي

Oligodon arnesis / / Common Kukri Snake, Bended Kukuri Snake



پٽا پٽي ڪُڪُري

هن پٽاپٽي ڪُڪريءَ جو جسم 610 کان 640 ملي ميٽر ، پڇ 80 کان 100 ملي ميٽر ٿئي ٿو. ان جي جسم جو رنگ گـهِرو ڀورو آهي جيڪو پاسن کان هلڪو ٿي ويندو آهي. عمر جي شروعاتي حصي ۾ جسم جو رنگ وڌيڪ گـهرو ۽ ڳاڙهو هوندو آهي. جسم تي 30 کان 40 کن سفيد ڪنارين واريون ڪاريون پٽيون هونديون آهن. منڍي ۽ ڳچيءَ تي اڳيان پويان V شڪل جا نشان هوندا آهن. اهڙو ئي نشان اکين جي وچ ۾ هوندو آهي.

هيءَ جنس عام طور تي گِهميل گاهه جي ميدانن ۾، تلائن ۽ نهرن جي ڪنارن تي رهندي آهي. عام طور ڏينهن جو مصروف رهندي ۽ شڪار ڪندي آهي. بنگال، نيپال هندستان سري لنڪا، ڪشمير، سنڌ ۽ بلوچستان ۾ ملي ٿي.