0000-00-00
داخلا نمبر 1724
عنوان ابتو سبتو ڀلي ٽنگيو، پر عوامي قيادت اڀرڻ ڏيو
شاخ سنڌ ڪيس
پڙهيو ويو 8351
داخلا جو حوالو:
هن داخلا جون تصويرون نه مليون
قي مان اٿي آيو هجي ۽ عوام جي تقدير بدلائي ڇڏي هجيس! قيادت ۽ مستحڪم ارادو بہ اهڙا گڻ آهن جيڪي فقط عوامي طبقي مان اڀري سگهن ٿا. ”لاهوري پاوا“ يا بندو خان جا ڪباب نڙيءَ مان لاهڻ سان ماڻهو ”عوامي“ نہ ٿي ويندو آهي. ميان نواز شريف ۽ محترمہ ڀٽو بہ پاڻ کي ”عوامي“ پئي سڏايو، پر هئا ڪو نہ! ٺيڪ آهي، انھن کي ڪنھن بہ حد تائين رعايت ڏيئي سگهجي ٿي، پر تاريخ جي معمولي شاگرد جي حيثيت ۾ آئون مسٽر ڀٽي ۽ مسٽر جناح کي”عوامي“ ڪو نہ چوندس.
عوامي اڳواڻ ڏسڻ چاهيو تہ 15 سؤ سال اڳ واري عربستان ۾ هليا وڃو. ٻہ هزار سال اڳ واري يروشلم ۾ هليا وڃو، ٽي هزار سال اڳ واري حضرت موسيٰ ڏانھن ڏسو! جنھن چاليھہ سال پنھنجي قوم کي صحرا ۾ پنھنجي رهنمائي هيٺ رکيو ( اها ڪا معمولي ڳالھہ ڪو نہ هئي) 600 قبل مسيح واري گوتم ٻڌ ڏانھن ڏسو! توهان کي ٻيا مثال بہ ڏيئي سگهجن ٿا. پر توهان کي پسند ڪو نہ ايندا. توهان لينن ۽ ماؤزي تونگ ڏانھن ڏسو، امام خمينيءَ ڏانھن ڏسو! توهان مصر جي جمال عبدالناصر ڏانھن ڏسي رهيا هجو. ممڪن آهي توهان ڪنھن ٻئي ڏانھن ڏسندا هجو يا ممڪن آهي تہ توهان پاڻ ڏانھن ڏسندا هجو!
اسان دعائون ئي ڪري سگهون ٿا ۽ تاريخ کي سند طور پيش ڪري سگهون ٿا. بھتر اهو آهي تہ جمهوري عمل طرف اچو ۽ عوام مان ڪنھن رهنما جي اڀرڻ جو رستو بند نہ ڪيو. اوڙي پاڙي سان انھن ئي سببن جي ڪري دوستي ڪيو، جن جي ڪري دشمني هلندڙ آهن.