ابڙو اڪيڊمي Abro Academy
2020-11-06
داخلا نمبر 1232
عنوان اتحاد ڙي اتحاد!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1149
داخلا جو حوالو:
هن داخلا جون تصويرون نه مليون
الهين ۾ اهو جٽاءُ دار طريقه ڪار ضرور طئه ٿيڻ گهرجي جنهن تحت گڏيل جدوجهد هلائڻي آهي. محض گڏجاڻيون ۽ ميزبانيون سنڌ جي ٻيڙيءَ کي بي خطر سفر تي هلائي سگهن ها ته اڄ ٻيڙي ڪن ۾ ڦاٿل نه هجي ها! سنڌ جي عوام جي خواهش هوندي ته سنڌ جا اهي سمورا اڳواڻ جن ابتدائي گڏجاڻيءَ ۾ خوشگوار ماحول ۾ ڳالهيون ڪيون، ڪنهن به مرحلي تي ذاتي انا ۽ بي وزن اصولن کي آڏو نه آڻيندا ۽ جڏهن جڏهن به ڳالهين جي ڪمري ۾ داخل ٿيندا پنهنجن ذاتي نظرين، مفادن ۽ بي وزن اصولن کي ٻاهر در وٽ رکي پوءِ اندر داخل ٿيندا. جيڪڏهن اوليت سنڌ ۽ سنڌ جي مفادن کي آهي ته پوءِ هيءَ نئين ڪوشش ضرور ڪامياب ٿيڻ گهرجي، سنڌ جي ماڻهن کي هنن سڀني معتبر اڳواڻن مان وڏيون اميدون آهن. ڪٿي ايئن نه ٿئي ته اهي اڳواڻ به پنهنجي ساک وڃائي ويهن ۽ پوءِ ساک بچائڻ لاءِ اجايا بهانا گهري گڏيل جدوجهد ۾ شامل باقي ساٿين تي الزام رکي ڀڃي وڃن!