ابڙو اڪيڊمي Abro Academy
2020-11-06
داخلا نمبر 1250
عنوان اسپتال جي جنرل وارڊ ۾ رلندڙ صدارتي ايوارڊ
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1101
داخلا جو حوالو:
هن داخلا جون تصويرون نه مليون
تي مسٽر فخر زمان اهو به چيو هو ته صدارتي ايوارڊ يافته يا مڃيل اديبن، دانشورن ۽ فنڪارن کي ”ڪلچرل امپارٽينٽ پرسن“ جو رتبو ڏنو ويندو ۽ اهو اعزاز کين سرڪاري طرح ڪي خاص سهوليتون به مهيا ڪندو، ٻيو نه ته اسپتال ۽ سفر دوران کين ”رلي مرڻ“ کان بچائيندو. ٿيو ته ڪجهه به ڪو نه! سنڌ جي ماڻهن صدارتي ايوارڊ يافته (کان وڌيڪ اهم ڳالهه ته ننڍي اسڪرين جي ڄاتل سڃاتل) فنڪار کي جنرل وارڊ ۾ ڪنجهندو ڏٺو!
اها به مهرباني هڪ اڙدو اخبار جي، جنهن لاشاريءَ بابت سڀ کان اڳ ۾ خبر ڏني ۽ سنڌي اخبارن تي پنهنجن ئي قومي فنڪارن جي حالت کان لا علم رهڻ جو مهڻو هڻي ڇڏيو. نور محمد لاشاريءَ کي گهڻن ڏکن مان هڪ ڏک اهو به آهي ته ”پنهنجا“ سار لهڻ لاءِ دير سان پهتا! اها ٻي ڳالهه آهي ته لاشاري صاحب پاڻ بهتر تجربو رکي ٿو ته هيءَ قوم جيڪا ڏک ٻڌڻ نه، ڏيڻ ۾ تکي آهي..... ان هوندي به دعاگو آهي ته لاشاري صاحب جلد مڪمل صحتياب ٿئي ۽ وڏي ڄمار ماڻي.