اشتياق انصاري

� ڳولڻ به مسئلو آھي ... ان برج جي ڀرسان ئي ھڪ ٻيو ساٿاري برج به سندس ڪن ۾ سُس پُس ڪندي ۽ مکيه در جي حفاظت ڪندي نظر اچي ٿو. ھي پھرئين وڏي برج جو ادب ڪندي، سندس شان شوڪت وڌائڻ لاءِ ڪجهه قدم پوئتي بيٺو آھي.“
اشتياق ڏاڙھياري جبل کان ڪُتي جي قبر، ۽ ھراڙ کان ھرباب لَڪ تائين پيرين پنڌ سفر ڪيا آھن. ھُو پڪ سان گورک به ويو ھوندو ۽ ھن ڀِت ۽ بڊي جبل سميت سڄي محال ڪوھستان جا جبل به گهمي ڏٺا آھن. ھُو ڊيلٽا به جهاڳي آيو آھي ۽ ٿر ۾ ڪاسبي ۽ ڪارونجهر کان ، ڇاڇري، اڇڙي ٿر، ۽ اُڀرندي ناري ۾ ھاڪڙي جي قديم وھڪري سان ھليو آھي. ڀلي ته کڻي سنڌ جا اھي سڀئي حصا مون به ڏٺا ھجن، اشتياق مون کان وڌيڪ ڏٺو آھي ۽ ھو پنڌن توڻي مشاھدن کي تحرير ڪرڻ وارن ٿڪائيندڙ ڪمن ۾ مون کي ماري ويو آھي.
ڀلا! ڪنھن کي ايتري ڄاڻ ۽ ھمٿ آهي جو ھُو ’ڌرتي ماتا‛، ۽ ’اوڏن‛ جي انتھائي پيچيده موضوعن تي ايڏو لکي سگهي! ٻيو ڪير آھي جيڪو ’ڪوٽ ۽ قلعا‛ جو ھڪ واليوم لکڻ کان پوءِ ٻئي ۽ ٽئين واليوم جو ڪم سھيڙڻ ويھي سگهي! ھُو، الائي ته ڪيئن نوڪريءَ سان گڏوگڏ ايترو وقت ڪڍي لکي ٿو! گهٽ ۾ گهٽ آئون ته ايترو نه ٿو ڪري سگھان، توڻي جو منھنجي ننڊ به ڦِٽل ھوندي آھي.