ابڙو اڪيڊمي Abro Academy
2020-11-06
داخلا نمبر 1267
عنوان الطاف حسين جو خط – ساڳيا لاٽون ساڳيا چگهه
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1095
داخلا جو حوالو:
هن داخلا جون تصويرون نه مليون
۾ ڏيئي ڇڏيون ويون ته مڙئي خير هو!
هن مهل تائين هڪ اجائي جنگ ۾ ڪراچيءَ ۾ ”مهاجرن“ سنڌين، پٺاڻن، بلوچن ۽ ٻين جيڪو ڪجهه وڃايو آهي ان جو پورائو ڪير ڪندو؟ يا جيڪي ڪجهه سنڌ مجموعي طور تي وڃايو آهي ان جو پورائو ڪير ڪندو؟ هڪ لاحاصل جنگ مان ڇا ملندو؟ الطاف حسين ”مهاجرن“ جي قتلام جي دانهن ته ڪري ٿو پر سنڌي، پنجابي، بلوچي، پشتون، سرائيڪي ۽ اڙدو ڳالهائيندڙ بيگناهه شهرين جي قاتلن جي گرفتاريءَ جو مطالبو نٿو ڪري. انهن جا قاتل ڪير هئا؟ مقابلن ۾ مارجي ويل دهشتگردن ۽ ايم ڪيو ايم جي ڪارڪنن کي روپوش ٿيڻ جي هدايت پهچڻ کانپوءِ ڪراچيءَ ۾ جيڪا ٺاپر ٿي آهي، اها تجويز ڪري ٿي ته بيگناهه ماڻهن جا قاتل ڪيرهئا. الطاف حسين جناح پور واري رٿا کان لاتعلقي ظاهر ته ڪري ٿو پر اهو نٿو ٻڌائي ته اهو ڪير شخص هو جنهن سال کن اڳ لنڊن مان ويهي سنڌ جي ورهاڱي بابت ”مهاجرن“ کي عملي طرح متحرڪ ۽ موبلائز ڪرڻ لاءِ راءِ ورتي هئي؟ الطاف حسين جي خط ۾ اها ڳالهه مثبت آهي ته ”اسان ملڪ جي جاگرافيائي حدن ۾ رهي پنهنجن آئيني حقن حقن کانسواءِ ڪجهه به نٿا گهرون“ پر جڏهن خط جي متن ۾ تفصيل سان وڃجي ٿو ته ”ظالمن جي پاڙ پٽڻ لاءِ احتجاج ڪرڻ، ظالمن جي خلاف ميدان عمل ۾ لهي عملي جدوجهد لاءِ ڪڏي پوڻ ۽ ملڪي سلامتي لاءِ عملي شرڪت جي سڏ کانسواءِ ٻيو ڪجهه به نٿو ملي. ٻيو ته ٺهيو سنڌ جي وهاڱي واري سوال تي وضاحت سان ڪو نه ڳالهايو ويو، ڇا سنڌ پنهنجي ورهاڱي جي اجازت ڏيئي سگهي ٿي جيڪڏهن ورهايل ڀاڱو ”پاڪستان جي جاگرافيائي حدن ۾“ هجي! الطاف حسين گهڻن ”ڏکن سورن“ ۾ اهو ڏک به بيان ڪيو آهي ته اسيمبليءَ ۾ هڪ بل جي ذريعي سنڌيءَ کي سنڌ جي سرڪار زبان بڻايو ويو! جنهن ڳالهه تي اطمينان ظاهر ڪرڻ کپندو هو اها به ڏکن ۾ شامل آهي! ڇا سنڌيءَ کي اهو حق آئين ۾ ڏنل نه آهي؟ الطاف حسين جي نظر ۾ ظالم ڪير آهي؟ ظاهر آهي ته اهي جيڪي سندس خيال ۾ ”مهاجرن“ جا حق کائي ويا آهن. خط پڙهي لڳي ٿو ته مهاجرن جا حق سڄو پاڪستان خاص ڪري سنڌ جي ٻهراڙي کائي وئي آهي. الطاف حسين جڏهن مهاجرن کي ”ظالمن“ جي خلاف ميدان عمل ۾ ڪڏي پوڻ جي اپيل ڪري ٿو ته پوءِ اها صلح جي ڳالهه ته ڪو نه ٿي! الطاف حسين کي شڪايت آهي ته ”مهاجرن“ کي صدر مملڪت ۽ چيف آف آرمي اسٽاف به انصاف نه ڏنو آهي. انصاف ته عدالت مان ملندو آهي جيڏانهن اهو چئي وڃڻ کان انڪار ڪيو وڇي ٿو ته، ”عدالتون پيپلز پارٽيءَ جون آفيسون آهن!“ الطاف حسين جيڪڏهن سمجهي ٿو ته سندس ساڳيو رويو اصل مسئلي جو حل پيش ڪندو ته پوءِ ان کانسواءِ ٻيو ڇا ٿو چئي سگهجي ته الطاف حسين جي من ۾ اهڙي ڪا خواهش آهي ئي ڪو نه ته ديوار ۾ دفن ٿيندڙ انارڪلي کي بچائي وٺجي!