ابڙو اڪيڊمي Abro Academy
2020-11-06
داخلا نمبر 1210
عنوان اهو خدا جو حڪم نه، ڪجهه ٻيو آهي
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1067
داخلا جو حوالو:
هن داخلا جون تصويرون نه مليون
ايئن چوي ٿو ته ان اداري کي ٽٽڻ گهرجي. شهري جماعتون ته خاص ڪري ان جون دشمن آهن پر هاڻي ته ٻهراڙيون به ان نظام جي خلاف آهن ۽ ڪالهه جو ”وڏيرو“ اڄ جي گار بڻجي پيو آهي. ان تبديليءَ ۾ عوام جو ڪو به ڏوهه ڪو نه آهي، خود وڏيرن پنهنجي وڏيرپ جو مان نه رکيو ۽ پنهنجي قوت کان پنهنجي خلاف ڪري ڇڏيائون. هاڻي جڏهن ”وڏيري“ وارو ادارو ٽٽي چڪو آهي ته ان کي بنهه ختم به ٿيڻ گهرجي ته جيئن وڏيرڪي انتقام وارو هاڻي مروج ٿيل مارڌاڙي نظام به ختم ٿئي. پر، اسان جي بدقسمتي اها آهي ته هڪ نظام جي ٽٽڻ کان اڳ اسان ڪو متبادل ٺيڪ طرح جوڙيو ئي ڪو نه آهي. ”جمهوريت“ هڪ سٺو متبادل هو پر اهو به ساڳين وڏيرن ۽ سيٺين وٽ يرغمال ٿي ويو آهي، جنهن سندن طاقت کي گهٽائڻ بدران اڃا وڌائي ڇڏيو آهي ۽ هاڻي هو ملڪي معيشت جي کيتيءَ ۾ وڙهي سڀ ڪجهه ڀيلي رهيا آهن. ڇا اها سوچڻ جي مهل نه آهي ته هيءَ وڏيرڪي ويڙهه سنڌ جي ووٽن کي غلط رح استعمال ڪري رهي آهي ۽ اهو سلسلو هاڻي ختم ٿيڻ گهرجي.