ابڙو اڪيڊمي Abro Academy
2020-11-05
داخلا نمبر 1095
عنوان ايم ڪيو ايم تاملن جي نقش قدم تي
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1152
داخلا جو حوالو:
هن داخلا جون تصويرون نه مليون
تاملن به ڏاڍيون همدرديون حاصل ڪيون هيون پر هوريان هوريان جڏهن بم، بارود ۽ ڀڃ ڊاهه جون ڪارروايون وڌي وين تڏهن اڪيلا ٿيندا ويا. ايم ڪيو ايم ته هاڻي کان ئي اڪيلي ٿي رهي آهي. هونئن به ڪراچي ۽ جافنا وڏو فرق آهي. ڪراچيءَ ۾ فقط ايم ڪيو ايم نه آهي. هتي اهي سڀ آهن جيڪي جافنا ۾ ناهن.
”بٽ ڪي رهيگا پاڪستان ۽ بن ڪي رهيگا مهاجرستان“ جا نعرا ۽ پويان هٿيارن ۽ پريس جو استعمال ڪي معمولي ۽ نظر انداز ڪرڻ جهڙيون ڳالهيون ڪو نه آهن. ملڪ جي آئين لاءِ ضروري ٿي پيو آهي ته اهو پنهنجي طاقت ڏيکاري. جيڪڏهن اهو پنهنجو ڪردار ادا نٿو ڪري ته پوءِ پڪ ئي پڪ الطاف حسين جي اها اڳڪٿي ته ملڪ گهرو لڙائيءَ ڏانهن پيو وڃي، درست ثابت ٿيندي. نه رڳو ايترو پر سنڌ سميت پاڪستان جا ٻيا صوبا به اهو محسوس ڪندا ته ڪٿي ضياءُ الحق جو اهو چوڻ ته ”آئين جو ڪتاب محض ڪاغذن جو ٿهو آهي“ درست ته ڪو نه هو!