ابڙو اڪيڊمي Abro Academy
2020-11-06
داخلا نمبر 1234
عنوان اڄ ته هڪٻئي جي زخمن تي پٽيون ٻڌو!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1110
داخلا جو حوالو:
هن داخلا جون تصويرون نه مليون
محبت جون ڳالهيون ڪرڻ چاهي ٿو، هڪٻئي کي ڳراٺڙي پائي، ڏک ڏوراپا ڏيئي ٺهڻ چاهي ٿو پر هيءَ عيد محض هڪ رسمي عيد رهجي وئي آهي. ايم ڪيو ايم نه رڳو پاڪستان جي زمين، نه رڳو ڀارت ۽ افغانستان جي زمين کي پاڪستان جي خلاف استعمال ڪيو آهي پر آمريڪا، برطانيه، فرانس، فلپائين ۽ جرمنيءَ کانپوءِ نار وارن ملڪن ۾ اهڙيون سرگرميون جاري رکيون آهن جو ذات دهشتگرد اتي وڃي ڪٺو ٿيو آهي. ڪهڙو سڄڻ ملڪ هوندو جيڪو دوست ملڪ خلاف پنهنجي زمين استعمال ڪرڻ ڏيندو؟ ايم ڪيو ايم جي مظلوميت جو ڀانڊو نيٺ ڦاٽڻو هو، جيڪو ڦاٽي پيو. هاڻي اها چوطرف پکڙجي رهي آهي ۽ هر سڄڻ ملڪ انهن دهشتگردن کي جهلڻ ۾ سرگرم ٿي رهيو آهي، جن ان ملڪ جي زمين کي پاڪستان جي خلاف استعمال ڪيو. هاڻي، ڀانڊو ڦاٽڻ جو الزام به بينظير ڀٽو تي! ڀائي صاحب! عيد جو موقعو آهي، بلڪه عيد جو ڏينهن آهي، ڪو ته ان ڏينهن جو احترام ڪيو ۽ ٺهڻ، ٺاهڻ جون ڳالهيون ڪيو، ڏک ڏوراپا ڏئي ڀاڪر پايو، ”مارو! مارو!“ چوڻ بدران هڪٻئي جي زخمن تي پٽيون ٻڌو! هڪٻئي تي الزام هڻڻ بدران پنهنجي ڪئي تي توبهه! توبهه! ڪيو.