0000-00-00
داخلا نمبر 1478
عنوان تؤنگ جا قديم آثار
شاخ محال ڪوهستان
پڙهيو ويو 10444
داخلا جو حوالو:
هن داخلا جون تصويرون نه مليون
تؤنگ جا قديم آثار:
تؤنگ جي قديم آثارن جو احوال بخاري صاحب هن ريت قلمبند ڪيو آهي، ”موجوده تؤنگ ڳوٺ لڳ دمبار قطار ويجهو ڪند وٽ هڪ بُٺي آهي. هن تي رتن شاهه يا رتن ناٿ نالي هڪ پِير جي ڀر مان نڪرندڙ چشمي جي منهن وٽ پٿر جي پيڙهه وارين ڀتين جي رهت کانسواءِ آمري توڙي هڙپا جي نمونن سان ڀيٽڻ جهڙا ٺڪر ملن ٿا. هتي هڪ قلعي جا به آثار اهن. ليکڪ (بخاري صاحب) بٺيءَ کان هيٺ اتر اوڀر هلندي به آثارن جو هڪ سلسلو ڏٺو جيڪو ’مِيري‘ نالي بٺيءَ کان ٿيندو ’بونشين‘ واري قبرستان کان اڳڀرو تقريباََ ڏيڍ ميل کن پنڌ تائين پکڙيل آهي. هتي ’ميري‘ واري مخروطي ٽڪريءَ جهڙيون ٻيون به ٽي پر ننڍيرڙيون ٽڪريون آهن، جن تي پڻ ثقافتي ڪٽي ڏسجي ٿي. هڪ اهڙي ٽڪريءَ تان عرصو اڳ ڳوٺاڻن ٺڪر جي هڪ برتن ۾ رکيل هڏا پُوريل حالت ۾ کوٽي ڪڍيا. هي سڄو ماڳ ڌاتو پاهڻي دور جو ڀاسي ٿو. ان کان وڌيڪ تؤنگ ۾ ٺهيل سرڪاري اسپتال، اسڪول ۽ يونين ڪائونسل جو دفتر سي سڀ ۽ تؤنگ جي اوڀر پاسي چوکنڊيءَ جهڙين گهاڙين جا ٻه قبرستان پڻ اهڙي ماڳ تي آهن جتي ٺڪراٺو پکڙيل ڏڏسجي ٿو.“ (نئين زندگي، آڪٽوبر 1992)