ابڙو اڪيڊمي Abro Academy
2020-11-06
داخلا نمبر 1249
عنوان جان جي امان ملي ته عرض ڪجي!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1119
داخلا جو حوالو:
هن داخلا جون تصويرون نه مليون
ئن ڪو نه ٿا چئون ته عوامي نمائندن جو سڄو لشڪر بد عنوان ۽ ذاتي مفادن جي ڪڍ آهي. اهڙا عوامي نمائندا به موجود آهن جن جي پارسائيءَ جو قسم کڻي سگهجي ٿو پر معذرت سان! اهڙا تمام ٿورا آهن. مشڪل اها آهي ته ڪنهن عوامي نمائندي جو نالو کڻڻ سان سندس ”استحقاق مجروح“ ٿو ٿئي پرجڏهن صدر پاڪستان عوام کي هڪ قطار ۾ بيهاري چور قرار ڏئي کانئن حڪومت تي تنقيد جو حق کسي ٿو، تڏهن ايئن نٿو سوچيو وڃي ته عوام جو استحقاق مجروح ٿيو آهي. پاڪستان ۾ عوام کي ڪو استحقاق شايد آهي ئي ڪو نه! اسان جي صدر پاڪستان کي ”هٿ ادب جا ٻڌي“ گذارش ته سڀ کان پهرين اها وصف ٻڌائي وڃي ته ”عوام“ ڪير آهي؟ جيڪڏهن سيٺ، رئيس، ڪامورو، ٽيڪس چور واپاري ۽ آڙهتي به عوام آهي ته پوءِ عوام پنهنجي ”عوام هجڻ“ تان هٿ کڻي ٿو.