ابڙو اڪيڊمي Abro Academy
2020-11-06
داخلا نمبر 1176
عنوان جنگ جي ميدان ۾ سال بدلجي ٿو
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1233
داخلا جو حوالو:
هن داخلا جون تصويرون نه مليون
ه ڀيرا جهڙپ ۽ پوئتي پير. عمران خان جي شادي. امن انعام يافته آنگ سانگ سوچي. 10 جولاءِ تي برما جي جيل مان 6 سالن جي قيد کانپوءِ آزاد ٿئي ٿي. 11 جولاءِ کان پ پ ايم ڪيو ايم اڻکٽ ڳالهين جي شروعات. ڪيٽي بندر ٻڏي ٿو. دادوءَ ۾ نئه گاج جا راڱا. حيدرآباد ۾ جمن ڪيرئي کي ڦاسي. دهشتگرد فاروق داد جي موت جي سوڳ ۾ ڪراچيءَ ۾ ٻيو وڏو قتلام. آغا حسن عابديءَ جي پڄاڻي. 20 سالن کانپوءِ ويٽنام ۾ آمريڪي جهنڊو. ڳوٺ شاهن ممڻاڻي ۾ ڌاڙيلن هٿان 15 ڳوٺاڻن جو قتل. 14 آگسٽ تي نصيرالله بابر لاءِ تحفا، ڳوڻين ۾ لاشن جا سلسلا، نصيرالله بابر جي ماپ جي ڳوڻ جي تلاش! جي ايم مهڪريءَ جي وفات. بيجنگ ۾ عورتن جي عالمي ڪانفرنس. پنجاب حڪومت جو گهوٽالو، وٽيءَ جي روانگي، سياسي بهران ۽ نڪئيءَ جي آمد. ڪابل ۾ پاڪستاني سفارتخاني جي تباهي. ڪراچيءَ ۾ مزدور اڳواڻ عثمان غني قتل. سنڌ جي ملاحن جي رينجرز جي خلاف هڪ ڪامياب تحريڪ. استادن جي تحريڪ. پريسلر ترميم کانپوءِ برائون ترميم. روهڙيءَ لڳ قيدي گاڏيءَ مان 27 قيدي ڇڏائڻ جو واقعو ۽ 5 پوليس وارن جو موت. سنڌ ۾ هارين جي غلامي ۽ نجي جيل. 2 آڪٽوبر تي فرانس پاران پئسفڪ سمنڊ ۾ ائٽمي ڌماڪو ۽ ڊسمبر ۾ ٻيو ڌماڪو. ڊي ايس پي عظيم گهوٽو شادي هال ۾ گهوٽ ماري ٿو. احمد علي سومري جو قتل. پي ٽي وي علائقائي چئنل. سج گرهڻ. اسرائيلي وزيراعظم ازهاڪ رابن جو موت. عبدالله شاهه جي ڀاءُ احسان علي شاهه جو قتل. الطاف حسين جو ڀاءُ ۽ ڀائيٽيو قتل. اسلام آباد ۾ عالمي ادبي ڪانفرنس. جافنا جي شڪست يا فتح. اسلام آباد ۾ مصري سفارتخاني جي تباهي. پساور صدر بازار ۾ بم ڌماڪو. ليڊي ڊائنا جو جرئتمنداڻو پر اکيون جهڪائيندڙ انٽرويو. حيدرآباد ۾ دهشتگردن جو گهيراءُ، 5 سالن کانپوءِ پراڻي حيدرآباد ۾ پوليس جي پيش قدمي. ڪالاباغ بند. قومي مالياتي ڪميشن. غير قانوني پرڏيهي. ڪراچي صوبي لاءِ هر طرف کان مطالبا. ناڪام فوجي بغاوت. ملي يڪجهتي ڪائونسل جي هڙتال ۽ ايم ڪيو ايم ۽ مسلم ليگ نواز گروپ جي غير مشروط شرڪت. گهوٽڪي ٿاڻي ۾ ٻارن موت. سال جي پڇاڙيءَ ۾ ٽوٽل ڪيو ويو ته 2200 ماڻهو ڪراچيءَ ۾ قتل ٿيا، جن مان 350 سنڌي هئا.
هاڻي، سال 1996ع شروع ٿي چڪو آهي ۽ هيءَ سٺي کان سٺيون اميدون رکڻ ۽ خراب کان خراب حالتن لاءِ تيار رهڻ جي گهڙي آهي. سال 1995ع جا پڙاڏا ٻڌڻ کانپوءِ ايئن ٿو لڳي ته دنيا هڪ وڏي وحشت مان لنگهي آئي آهي ۽ اڳتي به گهٽ نه ٿيندي. انڪري اجاين خوش فهمين ۾ رهڻ جي ڪا به ضرورت ڪو نه آهي. جنگ جو ميدان بهرحال جنگ جو ميدان آهي، ان ۾ ڪجهه به ٿي سگهي ٿو.