ابڙو اڪيڊمي Abro Academy
2020-11-06
داخلا نمبر 1183
عنوان جڏهن جهونا به بغاوت جون ڳالهيون ڪن!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1032
داخلا جو حوالو:
هن داخلا جون تصويرون نه مليون
ڪيو ايم جي مذاڪراتي ٽيم جو رڪن قاضي خالد اسلام آباد ۾ آمريڪي سفير سان هڪ ڪلاڪ 20 مڻٽن جي ڊگهي ۽ خاص ملاقات ڪري آيا آهن. ان گڏجاڻي بابت اشتياز اظهر پاڻ ئي چوي ٿو، ”اها ملاقات ڏاڍي مثبت ۽ ٺيڪ ٺاڪ رهي. اسان ڏاڍي اطمينان سان هن کي حڪومت جي غنڊا گرديءَ کان آگاهه ڪيو. اها ڳالهه بهرحال، اڃا واضح نه آهي ته اها ملاقات سفارتخاني جي پنهنجي خواهش تي ٿي هئي يا الطاف حسين جي هدايتن تي، جيئن اشتياز اظهر چيو آهي. هن کان هڪ ڏينهن اڳ نسرين جليل به ساڳئي آمريڪي عملدار سان ڪراچي جي مسئلي تي ڳالهائي آئي هئي، جنهن مان لڳي ٿو ته ڪراچيءَ جي مسئلي تي آمريڪا جي پاسي کان ڪا ڏور ڇڪي پئي وڃي.
ساڄي ڌر کان کاٻي ڌر تائين، شدت پسند کان اعتدال پسند تائين لڳ ڀڳ سڀ ”مهاجر“ دانشور ۽ ”مهاجر“ سياستدان هاڻي هڪ قطار ۾ بيهجي چڪا آهن. جيڪا ٻولي معراج محمد خان جي آهي، اها ئي پروفيسر غفور احمد جي آهي، اهي ئي لفظ اشتياق اظهر جي وات مان نڪرن ٿا ۽ ۽ اها ئي ڳالهه حڪيم سعيد ڪري ٿو. باقي ڪي ٻه چار ڄڻا پروفيسر ڪرار جهڙا بچيا آهن پر اهي به مصلحت ۾ ماٺ آهن. ”مهاجر“ اتحاد پاڻ کي اسلام ۽ سوشلزم کان مٿي ڪري هڪ نئين صورت وٺڻ کانپوءِ پنجاب جي مسلم ليگکي به اتحاد ٺاهي چڪو آهي ۽ هاڻي آمريڪا کي وچ ۾ ڇڪڻ لاءِ سرگرم آهي ۽ هوڏانهن سنڌ جون جمهوري ۽ قوم پرست ڌريون ان تي ئي مفق نه ٿيون ٿين ته ڇا ٿي رهيو آهي؟