2020-11-06
داخلا نمبر 1318
عنوان حضرت علامه علي خان ابڙو جي وفات حسرت آيات
شاخ علامه علي خان ابڙو شخصيت، سيرت ۽ شاعري
پڙهيو ويو 15575
داخلا جو حوالو:
هن داخلا جون تصويرون نه مليون
حضرت علامه علي خان ابڙو جي وفات حسرت آيات
هيءَ خبر ٻڌي سنڌ جي مسلمانن کي سخت صدمه ۽ ارمان ٿيندو جو اقبال علامه علي خان صاحب ابڙو 16 جولائي 1954ع تي ڪجهه عرصه بيماريءَ بعد لاڙڪاڻي شهر ۾ هن جهان فاني مان رحلت فرمائي ويو اناالله وانا عليه راجعون مرحوم صوم صلوات ۽ شريعت جو سخت پابند هو. سوين ڪتاب لکي سنڌ ۾ علم ادب کي ترقيءَ جي منزل تي آندو. مرحوم سنڌي جي مايه ناز هستي هو. هن صاحب جيڪي علم ۽ ادب جي خدمت ڪئي ۽ شرڪ ۽ بدعت خلاف جهاد ڪري اسلام جي جيڪا خدمت ڪئي سا تواريخ ۾ هميشه يادگار رهندي. هن قضيه تي مان پنهنجي قوم ۽ جماعت پاران مرحوم جي وڏي فرزند ارجمند مسٽر شمس الدين وڪيل ۽ سندس ڀائرن ۽ عزيزن سان دلي همدردي ڪريان ٿو ۽ دعا گهران ٿو ته خدا تعالى مرحوم کي جنت الفردوس ۾ جاءِ عطا فرمائي ۽ پوين ۾ برڪت وجهي ۽ صالح ڪري. آمين
فيض محمد سيال لاڙڪاڻو (الوحيد- 24 جولاءِ مخزن جنوري 1954ع)