حڪومت جي هجڻ جو جواز وڌي ويو آهي

� ڪيو ايم سان ٻٽ ٿي دهشتگردن جي حق ۾ گڏجي حڪومت جي برطرفيءَ جو مطالبو ڪن ٿيون ته ٻيو ڪجهه نٿيون ڪن، سواءِ ان جي ته اهي پنهنجي خلاف عوامي راءِ عامه ٺاهين ٿيون. ماڻهن کي اکيون اهن ۽ صحيح سالم دماغ به آهي هو سڀ ڪجهه ڏسن ۽ سمجهن ٿا. دهشتگرديءَ جي حمايت خود سياسي دهشتگردي آهي. ايم ڪيو ايم دهشتگرد تنظيم آهي، اها ثابت ٿيل حقيقت آهي ۽ جيڪا به ڌر ان جي حمايت ڪري ٿي اها پاڻ کي اخلاقي طرح ڪڏهن به دهشتگرديءَ کان آجو قرار ڏيئي نه سگهندي.
حزب اختلاف ڀلي ته حڪومت جي برطرفيءَ جو مطالبو ڪري، حقيقت اها آهي ته جيئن جيئن دهشتگردي وڌي رهي آهي، خود اها ضرورت بڻجندي پئي وڃي ته پيپلز پارٽيءَ جي حڪومت قائم رهي ڇاڪاڻ ته فقط اها ئي حڪومت آهي جنهن دهشتگرديءَ کي جرئت سان منهن ڏنو آهي. ڪا به ٻي حڪومت ايئن ڪو نه ڪندي. اهو سمجهڻ ته دهشتگردي محض پ پ حڪومت جي وجود تائين آهي، هڪ وڏو مغالطو آهي. جيڪا شيءَ اڳ ۾ هئي، سا پوءِ به هوندي. اهو دليل ئي بي دليل آهي ته دهشتگردن جون ڳالهيون مڃو ته دهشتگردي ختم ٿي ويندي. مسلم ليگ، جماعت اسلامي يا ڪا ٻي پارٽي انهن دهشتگردن سان ڳالهائڻ جي سفارش ڪيئن ٿي ڪري جن بس ۾ بم ڦاڙي 8 بيگناهه ماڻهو ماري ڇڏيا. پنهنجي حق ۾ فيصلو وٺڻ لاءِ انساني زندگين کي ڦوڪڻن وانگر ڦاڙيندڙ جونين سان ڳالهيون ڪيئن ٿيون ٿي سگهن؟ اها ڳالهه پر امن شهرين جي ذهن ۾ نٿي اچي.
دهشتگردي روڪڻ جو هڪ ئي طريقو آهي ته جيڪي ڪجهه ڪرڻو آهي سو، پوري قوت سان، هڪ ئي وقت ۾ ڪريو! نصير الله بابر ٽارگيٽ حاصل ڪري نه سگهيو اهي ته ان کي وڏي ناڪامي نه چئبو . نيٺ به دهشتگردن جي پويان ٻه ملڪ سپلاءِ لائن جاري رکيو پيا اچن پر لڳي ٿو ته هاڻي گهڻو وقت نه بچيو آهي ۽ معاملو هڪ نصيرالله بابر کان زور آهي. ضروري آهي ته ڪراچيءَ جي ڪنڊ ڪنڊ مان هڪ هڪ غير قانوني هٿيار هڪ ڀيرو ٻاهر نڪري، چاهي ان لاءِ هڪ ئي وقت سڄي شهر کي ڪڙو چاڙهيو وڃي ۽ ڪرفيو هنيو وڃي.