ابڙو اڪيڊمي Abro Academy
2020-11-04
داخلا نمبر 968
عنوان دهل ڍوري جو نالو:
شاخ منڇر گورک گاج دنيا
پڙهيو ويو 1142
داخلا جو حوالو:
هن داخلا جون تصويرون نه مليون
دهل ڍوري جو نالو:
”بڊي کان ڄڃ پئي آئي، بڊي جي لُنڊين ۾ ڍوري جو هڪ سوڙهو لَڪ آهي. سڄي ڄڃ هڪ هڪ ماڻهو ٿي، اتان لنگهي وئي. انهن سان هڪ مڱڻهار به هو، سڀني کان پويان پئي آيو، سو لَڪ ۾ ڦاسي پيو. اڃايل ڄڃ پاڻيءَ تائين پهچڻ لاءِ تڪڙي تڪڙي اڳتي نڪري وئي، مڱڻهار کي واٽ نه ملي جو لَڪ لنگهي. نيٺ مڱڻهار کي اٽڪل سجهي، سو دهل وڄائڻ لڳو ته ڄاڃين کي خبر پوي ته آئون پوئتي رهجي ويو آهيان، ڪو واهر لاءِ پوئتي اچي. پر ڄاڃين سمجهيو ته مڱڻهار ڄڃ جي خوشيءَ ۾ پيو دهل وڄائي. مڱڻهار اڪيلائيءَ ۾ خوف ۽ دهشت وچان اڃا به زور سان دهل وڄائڻ لڳو ته ڄاين سمجهيو همراهه بُود ۾ اچي ويو آهي ۽ موج ٿو ڪري! ايئن ڄڃ اڳتي هلي وئي ۽ مڱڻهار ان لَڪ ۾ سُڪ ٿي ويو، نڪري نه سگهيو ۽ اتي ئي مري ويو. ان واقعي کانپوءِ ان ڍوري جو نالو دهل ڍورو پئجي ويو.“ الله رکيي حسناڻيءَ کي دهل ڍوري تي اهو نالو پوڻ جي ڪهاڻي ٻڌائي.