0000-00-00
داخلا نمبر 1407
عنوان روميون
شاخ ڪراچي ڪوھستان
پڙهيو ويو 32767
داخلا جو حوالو:
هن داخلا جون تصويرون نه مليون
روميون
ڊسمبر 1991ع ۾ انور پيرزادي ۽ مون ’سنڌ سروي مھم‛ دوران ھن علائقي ۾ ڪجھه ماڳ ڏنا ھئا. انھن مان ھڪ ماڳ’روميون‛ گڏاپ نارا ٿر کان پنج ڪلوميٽر اوڀر طرف ھو، جنھن جي چؤديواريءَ اندر پنج ۽ ٻاھر گھٽ ۾ گھٽ ڏھاڪو قبرون ھيون. اسان چار فُٽ اوچي ان چؤديواريءَ ۾ داخل ٿي نه سگھياسون جو ان ۾ ديويون ۽ ٻيا ڪنڊيدار ٻوٽا ايترو وڌي ويا ھئا جو اندر وڃڻ ممڪن ئي نه ھو. اسان ٻاھران بيٺي بيٺي ڪجھه تصويرون ڪڍيون ھيون. چون ٿا ته اھي لاشارين جون قبرون آھن. اڏاوت جي لحاظ کان اھي متارن جي قبرن جھڙيون ئي ھيون. ھتي به ايئن ئي ھڪ عدد پيالو گھڙيل ھو جھڙوو متارن جي قبرن وٽ پيرانديءَ واري پاسي کُتل آهي. چؤديواريءَ تي ڪُنگري نما آرائشي پٿر رکيا ويا ھئا جيڪي ھاڻي ڊھي ھيٺ اچي پيا آھن. چؤديواريءَ جو دروازو اڍائي فُٽ ۽ اوڀر طرف کان ھو. اولھه ۾ محراب ھئس ۽ محراب جي ڀَر ۾ ديوار ۾ ٻه فُٽ چؤڪور دري ھئي.