روهي وارو

روهي وارو:

صبح جو پوڻي اٺين ڌاري اسان ديهه ريڪ جي ڳوٺ نبي بخش باريجي کان ٻه فرلانگ ڏکڻ ۾ هڪ روهي ڏٺي جيڪا ماڻهوءَ کان ٻيڻي ماپ جي هئي. اها رستي جي ساڄي پاسي ڪجهه ليٽيل حالت ۾ هئي. ماڻهن ان کي ننڍڙي کروٿ ڏيئي مسجد ٺاهي ڇڏيو هو. اها لٺ 3.5 ميٽر ڊگهي هئي. هيٺان پاڙ ۾ اٽڪل اڌ ميٽر ۽ مٿي 35. 0 ۽ 24 . 0 ميٽر ٿلهي هئي.

ان کي ماڻهن ’روهي وارو‘ ٿي چيو. ان قسم جون روهيون گاجي شاهه ۽ ڳاڙهيءَ واري پاسي به آهن جن کي ماڻهو لٺيون چوندا آهن، ’گاجي شاهه جي لٺ‘، ’ريڍار جي لٺ‘ وغيره. پر هن لٺ جي مالڪ جو پتو ڪونه پيو. خود ڳوٺ نبي بخش باريجي وارن اسان کان پڇيو، ”هن روهيءَ ۾ ڪهڙي خاص ڳالهه آهي جو ان جون ماپون ۽ فوٽو پيا وٺو؟“