ابڙو اڪيڊمي Abro Academy
2020-11-06
داخلا نمبر 1165
عنوان رياست جي چئني ٿنڀن کي اڏوهي کائي وئي!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1279
داخلا جو حوالو:
هن داخلا جون تصويرون نه مليون
ي جو عدليه کي به سياسي ميدان ۾ گهلي توهين ڪئي اٿس. عدالتي نظام جي سڌاري لاءِ هاڻوڪي نظام ۽ طريقه ڪار تي تنقيد هڪ ڳالهه آهي، ججن جي بي عزتي ۽ انهن جي ساک کي ڌڪ رسائڻ جي حرڪت ٻي ڳالهه آهي. نتيجو سامهون آهي جو هڪ ٿاڻيدار هڪ ايڊيشنل سيشنس جج کان هلندڙ عدالت ۾ پڇي ٿو ته ”عدالت ڇا ٿيندي آهي؟“
قانون ساز ادارن ۾ ته سياستدان پاڻ ويٺا آهن ۽ اتي ٿيندڙ هر حرڪت، سنجيدگي، غير سنجيدگي ۽ لوٽا ڪريسيءَ لاءِ هو پاڻ ذميوار آهن، ان لاءِ ڪا ٻي راءِ نه ٿيندي ته پارليامينٽ کي جيڪڏهن اها اڏوهي لڳي ٿي ته اها خود سياستدانن جي روين مان جنم وٺي ٿي. هاڻي به پارليامينٽري بدران صدارتي نظام جي ڳالهه سياستدانن جي وات مبارڪ مان نڪري رهي اهي، ڪو ”ٿاڻيدار“ ڪو نه چئي رهيو آهي. عدليه تي وار ڪنهن ٻئي نه حزب اختلاف جي سياستدانن ڪيو ۽ موقعو حزب اقتدار فراهم ڪيو، رياست جي ٻئي ٿنڀي کي اڏوهي اجهو ايئن لڳي. ٽيون ٿنڀو ته خود انتظاميا آهي، جيڪا فقط انڪري ”ٿاڻيدار“ بڻجي چڪي آهي آهي جو سياستدان جمهوري ادارن ۽ روايتن کي مضبوط رکي نه سگهيا آهن. چوٿين ۽ آخري ٿنڀي يعني پريس جي ڪڍ ڪير آهي؟ صاف ڏسجي پيو ته سياستدان آهي، چاهي ان جي هٿن ۾ بندوق هجي يا لفافو! سياستدانن ۽ عوام کي هن موقعي تي هڪ ٻئي کان ۽ پنهنجو پاڻ کان پڇڻو پوندو ته جمهوري ماحوليات ۽ هر بنيادي اداري کي ڦٽائي اسان ڪنهن سان دشمني ڪري رهيا آهيون؟