ابڙو اڪيڊمي Abro Academy
2020-11-05
داخلا نمبر 1102
عنوان رُپيو، روبل جو پوئلڳ!
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1173
داخلا جو حوالو:
هن داخلا جون تصويرون نه مليون
لن جي جشن جي شور ۾ جتي ”ڪاميابين“ جا بيشمار دهل وڳا، ان ئي شور ۾ 10 سيڪڙو مهانگائيءَ جو اعلان ڪيو ويو. اهو شايد ان خيال کان ڪيو ويو ته جشن جي شور ۾ اهي پڙاڏا ۽ دانهون ٻڌڻ ۾ نه اچن، جيڪي مهانگائيءَ جي اعلان کانپوءَ اٿڻا آهن. ڪنن ۾ آڱريون وجهڻ سان ڳاٽي تي پوندڙ بار جهڪو ڪو نه ٿيندو آهي. هي تمام ڏکيو فيصلو ڪيو ويو آهي جنهن سان ممڪن آهي ته عالمي بئنڪ مطمئن ٿي وڃي پر عوام جي بيچينيءَجيڪو اضافو ٿيندو، ان جي شرح کي ماپڻ جو اوزار نه عالمي بئنڪ وٽ آهي ۽ نه وري ان کي ان جي ضرورت آهي. عالمي بئنڪ کي پنهنجن مفادن سان مطلب آهي جيڪو ”مقبول حڪومت“ هٿان پورو ڪرايو ويو ۽ اڳتي به ڪرايو ويندو. عالمي بئنڪ جي مفادن جي پورائيءَ ۾ ڪنهن مقبول حڪومت جي مقبوليت گهٽجي ٿي ۽ اهو عالمي بئنڪ جي مٿي جو سور ڪو نه آهي. مٿي جو اهو سور مقبول حڪومت پاڻ ڄاڻي ۽ ان جا ووٽر ڄاڻن.
رپئي جي روش ۽ عالمي بئنڪ جو پاڪستان جي نڙيءَ تي ننهن ٻئي ڏاڍيون تڪليف ڏيندڙ ڳالهيون آهن. پاڪستان جي هڪ صوفي درويش جو چوڻ هو ته اسلام آباد جو ڇهون رڪن ”ماني“ آهي. ماني رپين سان ملندي آهي، ان ڪري اهو چوڻ ۾ ڪو وڌاءُ نه آهي ته رپئي جي نڍال روش سبب پاڪستان جي عوام جي ذهنن تي مايوسي ڇائنجي سگهي ٿي، جيڪا ”پاڪستان جي نظرئي ۽ اسلام لاءِ خطرو“ بڻجي سگهي ٿي. پاڪستان جي خفيه ايجنسين کي گهرجي ته اهي ان معاملي جي جاچ به وٺڻ ته رپئي کي روبل جو پوئلڳ ڪنهن ٺاهيو آهي؟