2020-10-27
داخلا نمبر 789
عنوان سخي دلير جو مقبرو
شاخ منڇر گورک گاج دنيا
پڙهيو ويو 32767
داخلا جو حوالو:
هن داخلا جون تصويرون نه مليون
سخي دلير جو مقبرو
وقت گهٽ هئڻ ڪري اسان في الحال جهانگارن ۾ سخي دلير (دلير ) رند جي تاريخي قبرستان ڏانهن ڪونه لڙياسين، ڪنهن ڀيري ايندي ويندي اوڏانهن وڃبو. هونئن به انهن مقبرن کي ڪجهه بهتر حالت ۾ مون 1989ع ۾ ڏٺو هو جڏهن اسان سنڌوءَ جي سفر تي هئاسين. چون ٿا ته هتي نالو لکڻ سان بخار لهي ٿو! 1989 ۾ سج لهڻ کان ڪجهه اڳ اسان هتي ڳوٺ ۾ چانهه لاءِ ڊاٻو ڪيو هو. اسان کي ٻڌايو ويو هو ته اولهه طرف قبرسات ۾ بيٺل اڇيو مقبرو سخي دلير جو آهي. سخي دلير پاڻ رند ٻروچ هو، ۽ بلوچستان کان هتي آيو هو. ٻروچن کي ايترو پيارو هو جو جڏهن هن وفات ڪئي ته روايت موجب، سندس مقبري جي اڏاوت ۾ پسلتر ٿيڻ مهل پاڻيءَ بدران ڏاچين جو کير استعمال ڪيائون ان ڪري مقبري جو رنگ اڇو آهي،
سخي دلير جي هٿ ۾ وڏو انصاف هو، چون ٿا ته هُو اَن جي بٽئيءَ مهل آڱر جي اشاري سان حصا پتيون ڪري ڏيندوهو ته تور ۾ فرق نه پوندو هو، اها کيس قدرتي ڏات هئي. سندس مقبري ۾ اندر گهڙڻ سان چوُطرف اڇي ديوار هاڻي ڪاري ٿي چڪي آهي، هر طرف ماڻهن جا نالا لکيل آهن. ڇا هندو، ڇا مسلمان! ڇا ٻروچ ڇا سماٽ! هر ذات ۽ قبيلي جي ماڻهن جا نالا هن سخيءَ جي مقبري جي ديوارن تي لکيل آهن. ماڻهن جو عقيدو آهي، جنهن به ماڻهوءِ کي بخار نه ڇڏيندو هجي ... ڀلي ته کڻي اهو مُدي جو هجي يا دائمي ... هتي مريض جو نالو لکڻ سان هن جو بخار لهي وڃي ٿو، م قبري ۾ لکيل سڀ نالا مريضن جا هوندا آهن.
سخي دلير ڪلهوڙن جي دور جي شخصيت ڏسجي ٿي، سندس مقبرو به ڪلهوڙن جي روايتي طرز تعمير موجب آهي، پر هو پاڻ ميان والي تحريڪ جو حصو نه هو.