ابڙو اڪيڊمي Abro Academy
2020-10-27
داخلا نمبر 881
عنوان سخي دلير رند
شاخ منڇر گورک گاج دنيا
پڙهيو ويو 1195
داخلا جو حوالو:
هن داخلا جون تصويرون نه مليون
پهرين آگسٽ 1888ع ۾ اسڪول کليو، تڏهن هي علائقو تعلقو جوهي ڪراچي ضلعي ۾ شامل هو. اهڙو جنرل رجسٽر هتي گورنمينٽ پرائمري اسڪول ۾ به موجود آهي. آئون اتي هيڊ ماستر هئس“.
ڪن ماڻهن جو چوڻ آهي ته هتي ڇهه نئيون اچي پاڻ ۾ ملن ٿيون، ان ڪري هيءَ ڇهه نئن يعني ”ڇني“ آهي. نئن گاج، نئن نئنگ، نري، شول(سوري)، تڪي، هليلي، ڪڪڙاني، انگئي، انهن سڀني نئن جو پاڻي منڇر ۾ پوي ٿو، برساتون نه پوڻ ڪري منڇر جي حالت خراب ٿي وئي آهي. منڇر اندازاً 260 چورس ڪلوميٽر آهي. سيوهڻ کان اهڙو سرڪاري بورڊ لڳل آهي. منڇر ۾ هاڻي اتر کان سم نالين جو پاڻي ٿو پوي. جنهن ۾ ڪو به گاهه يا مڇي پيدا ڪرڻ جي صلاحيت نه آهي.
رانجهاڻي صاحب ترسڻ لاءِ چيو پر انور اڄ ڪٿي به ترسڻ لاءِ تيار نه هو، ڇنيءَ جا آثار ڏسڻ کان رهجي ويا.’آئون وري ايندس!‘ مون دل ۾ پهه ڪيو. هن علائقي ۾ گهڻو ڪجهه آهي. تڙ تڪڙ ۾ ڪجهه به ڏسي نٿو سگهجي. ڇنيءَ کي ان خيال کان ڏسڻ به ضروري آهي ته جڏهن گاج ڀربي آهي، تڏهن ڇني وڏو پتڻ ٿي پوندو هو. گاجي شاهه جو ميلو لڳندو هو ته هتي اٺن جا قافلا اچي منزل هڻندا هئا.