ابڙو اڪيڊمي Abro Academy
2020-11-04
داخلا نمبر 963
عنوان سخي گوز بند
شاخ منڇر گورک گاج دنيا
پڙهيو ويو 1179
داخلا جو حوالو:
هن داخلا جون تصويرون نه مليون
سخي گوز بند
گاجي شاهه جا عقيدمند گاجي شاهه تي حاضري ڀرڻ کان اڳ روايتي طور تي سخي نوز بند جي مزار تي ويندا آهن جيڪا هڪ اوچي ٽڪريءَ تي آهي. سخيءَ جي مزار ٽنڊي رحيم وٽ هڪ اوچي ٽڪريءَ تي آهي. ماڻهن جو هن فقير ۾ وڏو عقيدو آهي. چون ٿا ته جڏهن ڪنهن عورت کي ويم ۾ تڪليف هوندي آهي يا ٻار ڄمڻ ۾ دير ٿيندي آهي ته ڪو ماڻهو سخي نوز بند جي مزار تي وڃي صدا هڻندو آهي، ”سخي نوز بند، بندا کولين!“ (اهو ٻروچڪي ٻوليءَ جو جملو آهي) ايئن بند کلي پوندو آهي ۽ ٻار ڄمي پوندو آهي. سخي نوز بند بابت هاڻي هڪ نئين دعويٰ سامهون آئي اهي ته هي ڪو گمنام بزرگ نه پر، مير گهرام خان لاشاريءَ جو پيءُ سخي نوزبندڪ آهي، جنهن جو بلوچي شاعرن ذڪر ڪيو آهي.