ابڙو اڪيڊمي Abro Academy
2020-11-06
داخلا نمبر 1161
عنوان سنڌ سوچي ٿي ...
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1248
داخلا جو حوالو:
هن داخلا جون تصويرون نه مليون
ين ٻولين ۽ ثقافتن کي برقرار رکندي سنڌي قوم جو حصو آهن. 3- ملڪ ۾ جمهوريت ٺيڪ طرح نافظ ناهي، سڀ اختيار هڪ هنڌ ڪٺا ڪيا ويا آهن، جن کي مرڪزيت مان ڪڍڻ گهرجي ۽ اختيارن کي مرڪز مان ڪڍي قومي وحدتن ۽ مڪاني ادارن جي سطح تائين ورهائڻ گهرجي، عام ماڻهن کي اختيارن ۽ فيصلن ۾ شريڪ ڪرڻ گهرجي. 4- سڄي ملڪ ۾ انساني حقن جي لتاڙ ٿي رهي آهي پر سنڌ ۾ اها شديد آهي. 5- سياست پر امن ۽ جمهوري طريقن سان ٿيڻ گهرجي ۽ هر قسم جي دهشتگردي مذمت جوڳي آهي چاهي اها حڪومت ڪري يا ڪا ٻي سياسي يا مذهبي جماعت. رياست جو بنيادي ڪم ماڻهن جي جان ۽ مال جي حفاظت آهي. 6- سنڌ ۾ بين صوبن کان ايندڙ ماڻهن جي حد مقرر ٿيڻ گهرجي ۽ اڳتي لاءِ شرط ۽ طريقه ڪار مقرر ٿيڻ گهرجي. 7- شهريت جو هص ڏيڻ جو اختيار قومي وحدتن وٽ هئڻ گهرجي ۽ 8- سنڌ جي مستقل رهواسين کي هڪٻئي کان مطالبا ڪرڻ بدران گڏيل مفادن تي گڏجي جدوجهد ڪرڻ گهرجي.
جيئي سنڌ محاذ وارن گڏيل راءِ ٺاهڻ لاءِ اها چڱي مشق ڪئي. اهڙي ذهني مشق جنهن کي تلسفي ۾ جمنازيم چئجي ٿو، بار بار ٿيڻ گهرجي ۽ هر سطح تي ٿيڻ گهرجي. ڪوشش ڪجي ته اهڙين مشقن ۾ اهي سڀ ڌريون اچن جيڪي ”واسطيدار“ آهن. پڪ سان چئي سگهجي ٿو ته ڪيڏو به سخت اختلاف راءِ ڇو نه هجي، ڪٿي نه ڪٿي ”اتفاق“ به موجود هوندو آهي. بس اها ئي ننڍي کان ننڍي هم خيالي ڪا بنيادي ڳالهه ٿي سگهي ٿي جنهن تي بهتر مستقبل ڏانهن وک وڌائي سگهجي!