ابڙو اڪيڊمي Abro Academy
2020-11-06
داخلا نمبر 1245
عنوان سنڌ مان هڪ لک ڪتاب ۽ قديم وستو پنجاب منتقل ڪرڻ جون ڪوششون
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1039
داخلا جو حوالو:
هن داخلا جون تصويرون نه مليون
هوندي ته هن کانپوءِ آرڪائيوز جي سنڀال هيٺ آيل هيءَ لئبريري ميمبر سازي ڪندي ۽ پاڻ کي ان الزام کان بچائيندي ته اها ڪن خاص ماڻهن تائين محدود رکي وئي!
هن موقعي تي اسان ان خبر کي به نظر انداز ڪري نٿا سگهون جيڪا مهن جي دڙي وٽان رليز ٿي آهي ته وفاقي آرڪيالاجي کاتو سنڌ جي قديم آثارن مان لڌل قديم وستو (اينٽيڪس) هوريان هوريان پنجاب منتقل ڪري رهيو آهي ۽ ان سلسلي ۾ آمريءَ جون شيون منتقل ٿي چڪيون آهن، جڏهن ته مهن جي دڙي مان لڌل شين جي ڊپارٽمينٽل سمگلنگ جاري آهي. وفاقي آرڪيالاجي کاتو آخر ڇا ٿو چاهي؟ سنڌ واسي ڄاڻن ٿا ته ابتدائي کوٽائين مهل انگريز محقق جيڪي شيون انگلينڊ کڻي ويا، سي نه موٽيون، ڪي بمبئيءَ ۾ رکيون ويون ۽ ڪي لنڊن ۾. باقي بچيل نادر شيون لاهور اماڻيون پيون وڃن، مهن جو دڙو به ڀڄي ڀري رهيو آهي. لڳي ٿو ته سڀاڻي سنڌ ۾ سنڌو تهذيب جو ثبوت هوندو ئي ڪو نه ۽ هر ريفرنس لا انگلينڊ، بمبئي ۽ لاهور وڃڻو پوندو.
ايئن لڳي ٿو ته وفاقي آرڪيالاجي کاتي جا اهم عملدار ڪنهن پوري رٿابنديءَ سان سنڌ مان آرڪيالاجيءَ سان لاڳاپيل هر شئي ڪڍي پنجاب ۾ رکڻ چاهين ٿا ۽ ان ريت ريت سڀاڻي سنڌ قديم آثارن جي ورثي ۽ تحقيق جي لحاظ کان ”کيسو ڪٽيل“ صوبو رهجي ويندو. پنجاب ۽ سرحد کي جنهن ريت ٽوئر ازم ۽ آرڪيالاجيڪل ورثي جي حوالي سان ترقي وٺائي پئي وڃي اهو اعتراض جوڳو آهي. پنجاب ۽ سرحد جي ترقيءَ تي سنڌ ارهي نه آهي پر سنڌ کي ڦري لٽي پنجاب ۽ سرحد کي ڀريو وڃي، اها ديانتداري نه آهي ۽ نه وري سنڌ جو دانشور طبقو اهڙو ”واڪ اوور“ ڏيڻ لاءِ تيار ٿيندو. سنڌ جو عوام وفاقي آرڪيالاجي کاتي کان اهو مطالبو ڪرڻ ۾ حق بجانب آهي ته سنڌ جون شيون سنڌ کي موٽائي ڏنيون وڃن، انهن جو ڊسپلي سنڌ ۾ قائم ڪيو وڃي، انهن تي تحقيق جا مرڪز سنڌ ۾ قائم ڪيا وڃن ۽ سنڌ ۾ ٽوئر ازم ۽ آرڪيالاجيڪل ورثي جي ترقيءَ لاءِ اوترا ئي فنڊ حاصل ڪيا وڃن جيترا پنجاب يا سرحد تي خرچ ٿي رهيا آهن.