سنڌ مدرسو: وحشتون ۽ بي مهار اٺ

� حاڪم نہ هوندا آهن.

جيڪڏهن ڪو شخص پاڪستان ۾ قائداعظم، ذوالفقار علي ڀٽي، محمد خان جوڻيجي، ميان نواز شريف ۽ جمالي صاحب کي اصلي حڪمرانن ۾ شامل ڪري ٿو، تہ ڀلي ڪري. پردي جي پويان اصل حاڪم ڪير رهيا آهن؟ اها ڳالھہ ڪڏهن بہ ڳجهي ڪو نہ هئي. ساڳي طرح امريڪي صدر صاحبن کي بہ اميريڪا جا اصل حڪمران سمجهڻ درست نہ آهي. اتي بہ هڪ ”غيباتي حڪومت“ آهي. جنھن جي ڪليئرنس کانسواءِ ڪو بہ سياستدان صدارت جي ڪرسيءَ تي ويھي نٿو سگهي.

بي درد ۽ غيباتي حاڪمن جو روڊ مئپ پنھنجي جاءِ تي! پر قدرت جو پنھنجو روڊ مئپ آهي. اهو ئي سبب آهي جو سمورين وحشتن ۽ ذلتن جي باوجود خدا جي خلق زندھہ آهي ۽ انساني نسل جا رنگ روپ، قومون ۽ قبيلا وڏي کان وڏي قتلام کانپوءِ بہ اڳتي وڌي رهيا آهن.

منھنجي من جو ڪرهو منھنجي وس ۾ نہ آهي. شاھہ لطيف جنھن ڪرهي کي پئي ڪاهيو سو ”چوڌاري چانڊاڻ“ ۾ هلندو ٿي وتيو، منھنجو ڪرهو چانڊاڻ ۽ اماس جي راتين ۾! ڪنھن لاءِ راحتون زهر ٿي پون ٿيون ۽ ڪنھن لاءِ صحرا جو درد مٺو آهي.

سنڌ مدرسي جي مسجد جي در ديوارن سان چنبڙيل انساني گوشت جا قيمون ٿيل لوٿڙا ضرور جواب حاصل ڪندا تہ نيٺ قدرت جو پنھنجو روڊ مئپ ڪھڙو آهي ۽ ان ۾ خدا جي خلق جي ڀلائي ڪھڙي طرح پوشيده آهي؟