سِڱر لنڊي

سِڱر لنڊي Pseudocerastes persicus/ Horned viper /

هيءَ لنڊي 0.58 کان 0.8 ميٽر ڊگهي ٿئي ٿي. پڇ 87 کان 90 ملي ميٽر هوندو اٿس. مٿو ننڍو، ويڪرو ۽ ڪنڌ نمايان هوندو اٿس. پڇ لنڊو، جسماني رنگت ۾ هيڊي، جنهن تي هلڪن ناسي چٽن جي هڪ ڇڊي قطار پٺيءَ تي هلندي وڃي ٿي. ٻنهي پاسن کان به ساڳئي قسم جا ننڍا چٽ اٿس. منڍيءَ تي اکين کان مٿي ڇلرن جا ٻه اڀار هوندا اٿس جيڪي سڱن وانگر ڏسجن ٿا. ان تان ئي هن لنڊيءَ تي سِڱر نالو پيو آهي.
هيءَ جنس ريتيلي پهاڙي علائقي ۾ ٿئي ٿي . ڏينهن جي وقت پٿرن جي هيٺان يا ڏرڙن ۾ لڪل رهي ٿي رات جو شڪار لاءِ نڪرندي آهي. خطرو محسوس ڪرڻ تي شوڪارا ڪندي آهي. هونئن هيءَ بلا خارباز نه آهي. ڪرڙيون ۽ ڪوئا کائيندي آهي. آذربائيجان کان عربي سمنڊ تائين پکڙيل آهي.