ابڙو اڪيڊمي Abro Academy
2020-11-05
داخلا نمبر 1124
عنوان سڻيءَ جي ديس مان نڪري ڪپهه جي ملڪ ۾ ڦاٿل ماڻهو
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1146
داخلا جو حوالو:
هن داخلا جون تصويرون نه مليون
ا اهن. بنگلاديش ڄاڻن ۽ سندن سياسي بحران! پر ٻنهي ملڪن جو گڏيل مسئلو بنگلاديش جي اها آبادي آهي جيڪا سڻي جي سونين تندن واري ديس مان نڪري ڪپهه جي چانديءَ تارن واري ديس مان رلائي وئي اهي. پاڪستان فيصلو ڪيو آهي ته بنگالين کي سندن ڌڻين تائين واپس پهچائڻ لاءِ کين بنگلاديش ويندڙ جهازن ۾ چاڙهيو وڃي ۽ جيڪا فضائي ڪمپني غير قانوني بنگالين کي آڻيندي، انهن جي جهازن کي اسٽاف سميت ”سرڪاري مهمان“ بڻايو ويندو! پر تعجب ٿيو ته بنگلاديش پنهنجن ئي ماڻهن کي واپس وٺڻ لاءِ تيار نٿو ٿئي! بنگلاديس پنهنجن ئي شهرين کي غير ملڪي سڏي هڪ حيرت جهڙو مثال قائم ڪيو آهي. ماڻهو ته پنهنجو ڇيلو به ڪو نه ڇڏيندا آهن، بنگلاديش ته پنهنجي ئي مايوس ٿي نڪتل عوام کي به لادعوا ڪري ڇڏيو! ۽ چيو، ”جيڪو جهاز پاڪستان مان بنگلاديشي کڻي ايندو انهن کي ضبط ۽ اسٽاف کي گرفتار ڪيو ويندو.“ موٽ ۾ پاڪستان وري به ايئن چيو ته، ” جيڪو جهاز موٽايل بنگلاديشي موٽائي کڻي ايندو ان سان به اها ئي جٺ ڪئي ويندي!“ ٻن ملڪن وچ ۾ هلندڙ هي شديد تڪرار ٻنهي ملڪن وچ ۾ هلندڙ هوائي سروس بند ڪري سگهي ٿو پر ”شٽل ڪاڪ“ ٿيل بنگلاديشين جو ڇا ٿيندو؟“ ”انسانيت“ جي تقاضا جو سوال هڪ ڀيرو وري 1947ع ۽ 1971ع کان ٿيندو 1995ع ۾ ”شٽل ڪاڪ“ ٿي ويو آهي. سوال وري به اهو آهي ته ڇا هن ڀيري پاڪستان ”انسانيت جو عالمي ٺيڪيدار“ بڻجي چپ ڪري ويهي رهندو؟