شيرازيانس ڪوراڙ

شيرازيانس ڪوراڙ / Spalerosophis schrirazianus/ Royal snake

هيءَ ڪوراڙ لڳ ڀڳ 1.3 ميٽر (4.3 فٽ) ڊگهي ٿئي ٿي ۽ پڇ جي ڊيگهه 125 کان 13 ملي ميٽر (تقريباّ 5 انچ) هوندي اٿس. جسم جو رنگ هلڪو ميٽوڙي يا ڳاڙهاڻ مائل خاڪي هوندو آهي. پٺيءَ تي هلڪي يا گـهري رنگ جي چٽن جون ٽي قطارون هونديون آهن. اهي پنجاهه کن چٽ هوندا آهن ۽ انهن ۾ ڳاڙهاڻ بلڪل نه هوندي آهي.
عادتن کي ڏسبو ته هيءَ ڪوراڙ ڪجهه خارباز نظر ايندي. عام طور رات جو هوشيار رهندي آهي ۽ ڪوئا، ڏيڏر وغيره شڪار ڪندي آهي. هيءَ جنس ايران، تاجڪستان، بلوچستان جي ضلعي لسٻيلي ۽ سنڌ ڪوهستان ۾ آهي.