ضلعي حڪومتن جو خيال هڪ سياسي کٽمٺڙو!

ي. ٻين زمينن ۽ صوبن جي عوام کي شايد پيرن جو پاراتو هجي! جناب اعليٰ فرق صاف ظاهر آهي تہ اها ڳالھہ توهان بہ تسليم ڪيو ٿا. ان معاملي تي اڄ جي دور ۾ بہ وفاق ۽ سنڌ وچ ۾ تڪرار هلندڙ آهي.

پاڻ هڪ ڀيرو وري ضلعي حڪومتن جي قيام واري پروگرام تي موٽي ٿا اچون. مڪاني ادارن ۽ ٻہراڙين جي ترقيءَ لاءِ ذميوار وزير عمر اصغر خان واضح ڪيو آهي تہ، ”مڪاني ادارن جون چونڊون پراڻين ووٽر لسٽن تي ٿينديون ۽ ان ڳالھہ جو بہ امڪان آهي تہ چونڊون چئني صوبن ۾ هڪ ئي وقت تي نہ ٿين!“ اسان پڇڻ چاهينداسين تہ سرڪار جيڪڏهن پراڻيون ووٽر لسٽون ئي توهان جي مستقبل جو پروگرام طئه ڪنديون تہ پوءِ ملڪ ۾ ٿيل تازه ترين آدمشماري (جنھن کي پڻ مناسب وقت گذري ويو آهي) ڪرائڻ جي ضرورت ڪھڙي هئي؟ سڀ ڪجھہ خدا جي سهاري تي اڳ بہ هلي رهيو هو! پوءِ، آدمشماري ۽ انگ اکر جمع ڪرڻ لاءِ هيڏي وڏي رقم خرچ ڪرڻ جي ڪھڙي ضرورت هئي؟

مھرباني ڪري هاڻي تہ ”ايڊهاڪ ازم“ تي هلڻ جي عادت ترڪ ڪريو. مسٽر عمر اصغر خان کي خاطري آهي تہ پراڻين ووٽر لسٽن تي ڪي سگهارا اعتراض بہ ٿي سگهن ٿا. پر انھن اعتراض کي منھن ڏيڻ لاءِ وري بہ ترميم ۽ تبديليءَ جو فيصلو وفاقي ڪابينا ۽ ڪائونسل ڪندي. مڪاني چونڊن ۾ انھن ماڻهن کي بيھڻ نہ ڏنو ويندو جيڪي سزا کاڌل، ڏوهن ۾ گهربل، بدعنوان ۽ باقيدار هوندا.“ عمر اصغر خان جي پوئين بيان سان اصولي طور سهمت هوندي آئون عرض ڪندو هلان تہ ماضيءَ ۾ سياسي توڻي فوجي حڪومتون پنھنجن مخالفن کي سياسي مخالفتن سبب ”ڳنڍي ڇوڙ“ ۽ ”غدار“ طور قيد ڪنديون ۽ سزائون ڏينديون رهيون آهن. توهان جي آڏو ولي خان جو مثال آهي. آئون ٻين کان پاسو ڪريان ٿو.

باقي، پراڻين ووٽر لسٽن تي نيون چونڊون ڪرائڻ واري ڳالھہ پاڻ کي سمجھہ ۾ ڪو نہ ٿي اچي. ڇا تازي آدمشماريءَ جا انگ اکر بہ مطمئن ڪندڙ ڪو نہ آهن ۽ تڪراري آهن؟ ڇا عمر اصغر خان جھڙا وفاقي وزير بہ رٻڙ اسٽيمپ آهن! ايئن ئي هوندو! ڇاڪاڻ تہ هن پنھنجي کاتي جي حوالي سان چيو، ”پراڻين ووٽر لسٽن تي ڪي سگهارا اعتراض ٿيا تہ ان تي سوچڻ، ترميم ڪرڻ وغيره جو ڪم وفاقي ڪابينا (عملي طرح ٿنڪ ٽئنڪ) ڪندي! “مھربانو! هي تہ ڪنھن چنيسر جا ٻار آهن. ڇا سمورا وزير صاحب چنيسر آهن؟ جيڪڏهن هيءَ بہ چنيسرن جي حڪومت آهي تہ پوءِ پاڻ کي مايوسي ٿي. ڇو تہ هر ڳالھہ ”امڙ“ جي صلاح تي ٿئي ٿي. اڳي سڀ ڪم ”اباجي“ جي صلاح تي ٿيندا هئا ۽ هاڻي..........