ابڙو اڪيڊمي Abro Academy
2020-10-20
داخلا نمبر 758
عنوان عبدالرحمان نقاش
شاخ قافلو هلندو رهيو
پڙهيو ويو 1289
داخلا جو حوالو:
هن داخلا جون تصويرون نه مليون
به سندس وانگر ئي فقير طبيعت هئي.
Save the children fund اڳتي هلي ختم ٿي وئي، پر ان ئي فنڊ مان 1996 ڌاري ان جو هڪ شعبو Tharparker Rural Development Project (TRDP) وڌي وڻ ٿيو جنهن جو نالو ’ ٿر ديپ‘ نقاش ئي تجويز ڪيو. ان پروجيڪٽ ۾ نقاش ۽ عارف حسن جو بنيادي ڪم آهي. ان ئي اداري ۾ ڪم دوران نقاش ٿر جي قالين سازي واري صنعت ۾ ڪم ڪندڙ مزدورن جي مامري تي تجزياتي رپورٽ لکي جيڪا پوءِ هن اداري شايع به ڪرائي هئي. ان رپورٽ ۾ نقاش نشاندهي ڪئي هئي ته کڏيءَ جي ان صنعت ۾ مزدورن ۽ ٻرڙن جو استحصال ڪيئن ٿو ٿئي، ۽ ان مان کين ڪيئن آجو ڪرائي سگهجي ٿو.
ٿرديپ جي آفيس مٺيءَ ۾ شِفٽ ٿي ته نقاش اتان انگريزي اخبار ڊان لاءِ رپورٽنگ به شروع ڪئي، ۽ اهڙن اهم مسئلن تي قلم کڻندو هو، جنهن تي عام طور مقامي صحافي لکي نه سگهندا هئا. عبدالرحمان نقاش 16 آڪٽوبر، 1997 تي ٽنڊي غلام علي وٽ رات جو 9 لڳي روڊ حادثي جو شڪار ٿي ويو. ٻئي ڏينهن صبح جو کين ڪنهن ميٽنگ ۾ ڪراچي پهچڻو هو. ان حادثي واري وقت گاڏيءَ ۾ ڊاڪٽرسونو ۽ ڊاڪٽر کاٽائو به موجود هئا، ڊاڪٽر سوني کي به زخم رسيا پر کاٽائو محفوظ رهيو. ايئن اسان جي خوني سڙڪن ف. م لاشاريءَ کان پوءِ اسان کان عبدالرحمان نقاش به کسي ورتو. هو واقعي تمام پيارو ماڻهو هو. هن گهڻو لکيو پر سندس تحريرن جو ڪو به ڳٽڪو مون وٽ نه آهي. لنواري واري بزرگ جي حوالي سان هڪ ڪتاب ’ڏکڻ ڏٺو چنڊ‘ مون وٽ آهي، جيڪو هن مرتب ڪيو ۽ ڇپايو هو.