0000-00-00
داخلا نمبر 1652
عنوان علمي ادبي تحقيق ڏانھن عجيب رويو!
شاخ سنڌ ڪيس
پڙهيو ويو 9805
داخلا جو حوالو:
هن داخلا جون تصويرون نه مليون
لاباغ بند ٺاهڻ يا نہ ٺاهڻ تي تحقيق بدران علم ۽ ادب کي اڳتي وڌائڻ لاءِ تحقيق کي بہ اهميت ڏين. اڳتي وڌڻ لاءِ پاڻ کي ۽ ماضيءَ کي سمجهڻ ضروري آهي.
آئون سنڌ جي سڀني محترم ادارن کي بہ گذارش ڪندس تہ مهرباني ڪري ”بار“ نہ لاهيو، جيڪڏهن توهان سچ پچ علمي ادبي ۽ تاريخي شعبن ۾ حقيقي تحقيق ڪرائڻ چاهيو ٿا تہ پوءِ محقق کي ”حقو“ ڇڪيندڙن جي مهڻن مان ڪڍو، ڪتابن تان سٽون چورائڻ واري ڪلچر مان ٻاهر ڪڍڻ لاءِ کين موضوع ڏئي فيلڊ ۾ موڪليو. توهان يقين رکو تہ هو توهان کي حيران ڪندڙ تحقيق، ڪتاب ۽ مواد ڏيندا. اهو ڪلچر ادارن کي پيدا ڪرڻو آهي. ادبي ڪارڪن تہ پنھنجو ڪم ڪندا ئي رهن ٿا پر جيڪڏهن ادارن هنن محققن ۽ ڪارڪنن جي مدد ڪئي تہ ان ڪم ۾ ايئن ساھہ پئجي ويندو، جيئن ڪنھن بند ٿيل شين ۾ بجلي اچڻ سان مشين ۾ روح ڊوڙي ويندو آهي.
بدقسمتي آهي اسان جي ادارن ۽ ادبي ڪارڪنن جي، جيڪي بنا سهوليتن ۽ فيلڊ ورڪ (جيڪو فنڊن ۽ قومي جذبي کانسواءِ ممڪن ئي ناهي) جي ”عظيم نتيجن ۽ عظيم تحقيقي ڪم“ جي اميد رکن ٿا. حڪومت، سياستدان ۽ ادارا بہ جيڪڏهن علمي ڪارڪن جي مدد نٿا ڪن تہ گهٽ ۾ گهٽ سندن دل آزاري ۽ حوصلي شڪني تہ نہ ڪن! کين گهر ويٺي تحقيقي ڪم ڪرڻ جون صلاحون نہ ڏين ۽ فرمائشون نہ ڪن!