عوام، سياسي ديوتائن جي تخليق تہ ناهي!

� جي ديوتا ائين ئي ڪيو ۽ انسانن کي پيدا ڪيو، جيڪي زمين تي پورهيو ڪري ديوتائن جي خدمت ۾ ڀيٽائون رکندا هئا/ رکندا پيا اچن!

توهان کي خبر آهي تہ ديوتا ڪيرآهن ۽ انسان ڪير آهن؟ ديوتائن جو طبقو (ان زماني جو) حاڪم طبقو هو، جنھن ان وقت جي عام ماڻهن تي ڪي قانون مڙهي کين قاعدن ۾ قيد ڪري ڇڏيو هو. اڄ جا ديوتا ۽ انھن جو working class توهان جي سامهون آهي! هو ڪيترو وقت پنھنجي پورهيتن جو ان پاڻي ۽ نالي ماتر آزادي ختم ڪري سگهندا؟ ان ريت تہ خود ديوتائن جو سر بخت داءَ تي لڳي ويندو، وڏيري کي پاڻي پيارڻ لاءِ نوڪر نہ هوندو تہ کيس پاڻي نصيب ڪونہ ٿيندو آهي، توهان سوچيو تہ سهي هو هي راڄ ڪيئن هلائي سگهندا؟ هو مجبور آهن تہ عوام جي ڳچيءَ ۾ وڌل سرڪڻ، ڦاهي ۽ ڪن ٽوپ ڪڍي ڇڏين!

اڄ توهان گورنر صاحب جي گرامر ۾ فرق محسوس ڪيو آهي، سڀاڻي عمل ۾ بہ فرق اچي سگهي ٿو. هڪ ٽٽل ۽ تباھہ ٿيل سماج کي ڪيترا ٽاڪا ۽ ٽوپا هڻي سگهبا؟ جنھن نظام کي توهان هلندڙ سمجهي رهيا آهين، اهو زلزلي ۾ هڪ ڊٺل کنڊر آهي، ان ڊٺل جاءِ هيٺان پيل ماڻهو پاڻ کي بچائڻ لاءِ هٿ پير هڻي رهيا آهن، ڇا ان کنڊر واري صورتحال کي توهان سسٽم چوندا؟ سرڪار ڪوڙ پئي ڳالهائي تہ سنڌ ۾ ڪو باقاعدي نظام هلندڙ آهي. جڏهن ڪو حادثو ٿيندو آهي، تڏهن هڪ امدادي ٽيم اتي هڪدم پھچندي آهي، پر اسان وٽ جيڪا امدادي ٽيم پھتي آهي، اها ماڻهن کي ڊٺل ماڙيءَ جي کنڊرن مان ڪڍڻ بدران لاشن جا کيسا ڦلهوري رهي آهي. ”متان، ڪنھن مڙدي جي کيسي مان ٻہ چار رپيا نڪري پون!“ ڇا توهان ڪونہ پيا ڏسو تہ قانون نافذ ڪندڙ ادارن جي صاحبن واپڊا ۽ ڪرپشن جي بہاني سڄي ملڪ جي عوام کي ڪيئن بيھاري ڇڏيوآهي؟

حڪومت عوام جون ڪيتريون رهتون ادا ڪيون آهن ۽ ڪيترا فرض ادا ڪيا آهن؟ اهو سوال حڪومت کان ڪير بہ نٿو پڇي، عوام تہ پنھنجي جند ڇڏائڻ لاءِ لانگ بوٽن جو آواز ٻڌي ڇپ هڻي ويھي رهي ٿو، ڪٿي عوام مقروض آهي تہ ڪٿي حڪومت بہ مقروض هوندي. هاڻي تہ واپڊا وارا پول کان ميٽر تائين تار بہ نٿا ڏين، ”وڃو ۽ وڃي پاڻ خريد ڪري اچو!“ هاڻي اها خبر ٻڌائي اٿئون تہ اها بل ۾ ايڊجسٽ ڪندا. اسان تہ چئون ٿا تہ خدا ڪري عوام لاءِ ڪجھہ ٿئي! ۽ ٺلهيون ڳالهيون خدمت گذاري ۽ ٽيڪسن جي وصوليءَ واري لٺ بند ٿئي!