ابڙو اڪيڊمي Abro Academy
2020-11-05
داخلا نمبر 1080
عنوان غير قانوني پرڏيهي خلاف وٺ پڪڙ ۽ پاسپورٽ دڪان
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1185
داخلا جو حوالو:
هن داخلا جون تصويرون نه مليون
غير قانوني پرڏيهي خلاف وٺ پڪڙ ۽ پاسپورٽ دڪان
شڪر ڪرڻ جو موقعو آهي ته پاڪستان مان پرڏيهين جي نيڪال وري فيصلي تي عمل شروع ڪيو ويو آهي. پوليس جي اسپيشل برانچ کي هدايت ڪئي وئي آهي ته روزانو 25-30 پرڏيهي پڪڙيا وڃن. في الحال 600 کان 700 پرڏيهين کي گرفتار ڪري سندن اباڻن ملڪن ڏانهن اماڻيو ويو آهي، انهن ۾ اڪثر بنگالي آهن. ان سلسلي ۾ غير قانوني پرڏيهين کي آڻيندڙ هوائي ڪمپنين کي به ڪارروائي ڪرڻ جو چتاءُ ڏنو ويو آهي، پر، اها ڳالهه سمجهه ۾ نٿي اچي ته روزانو فقط 25-30 ماڻهو ڇو هليا وڃن جڏهن ته هڪ ڏينهن ۾ 500 کان 1000 به جهلي سگهجن ٿا. پاڪستان ۾ جيڪڏهن غير قانوني پرڏيهين جو تعداد 30 لکن کان مٿي آهي ته پوءِ 25-30 ماڻهو روز جي حساب سان ڳالهه ڪڏهن کٽندي؟
وفاقي وزير داخله پاڻ فرمائي ٿو ته پاڪستان ۾ هر سال ڏهه لک پاسپورٽ ٺهن ٿا. هو اها به هدايت ڏئي ٿو ته جعلي پاسپورٽ ۽ جعلي سڃاڻپ ڪارڊ جاري نه ٿيڻ گهرجن. اها هدايت اڌوري ان ڪر آهي جو، نه پاسپورٽ جعلي هوندا آهن ۽ نه سڃاڻپ ڪارڊ. اهي ته اصلي ئي هوندا آهن، جعلي ته اهي ”فرض شناس“ آفيسر آهن جيڪي ڪوڙن ماڻهن کي اصلي پاسپورٽ جاري ڪن ٿا. ڪوڙا پاسپورٽ رد ڪرڻ لاءِ ڪافي وقت کان حڪومت اپاءَ پئي ورتا آهن پر هر ڀيري پاسپورٽ عملي ان کي ناڪام ڪيو آهي. حڪومت هر پراڻي پاسپورٽ جي تجديد مهل نئون پاسپورٽڻ جو فيصلو ان ڪري ڪيو هو ته جيئن ڪوڙن کي جهلي سگهجي پر اڄ تائين اهڙي ڪا به خبر نه آئي آهي ته ڪيترا ڪوڙا پاسپورٽ جهليا ويا؟ هي ته هڪ دڪان آهي جتي پراڻو ڪتاب داخل ڪرائي في ۽ ڪميشن ڏيئي ڪري نئون ڪتاب جاري ڪرائي سگهجي ٿو. خبر ناهي ته وزارت داخله ان مسئلي کي ڪيئن منهن ڏيندي.