ابڙو اڪيڊمي Abro Academy
2020-11-06
داخلا نمبر 1181
عنوان غير قانوني پرڏيهي – آدمشماريءَ ۾ رنڊڪ
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1187
داخلا جو حوالو:
هن داخلا جون تصويرون نه مليون
قرار ڏنوويندو. اڃا ٻه هفتا کن اڳ جي ڳالهه آهي جو عام چونڊن لاءِ تيار ٿيندڙ لسٽن ۾ پرڏيهي ماڻهن جا نالا داخل ٿيڻ جون عام خبرون آيون پر اليڪشن ڪميشن اهو چئي ماٺ ڪرائي ڇڏي ته جنهن به شخص وٽ سڃاڻپ ڪارڊ موجود آهي، هن کي ووٽر لسٽ تي چڙهڻ کان روڪي نٿو سگهجي.
آدمشماري هڪ بنيادي بلڪه بي حد بنيادي عمل آهي. اڄ به قومي مالياتي ڪميشن ۾ فنڊن ۽ وسيلن جي ورڇ جو سوال فقط ان ڪري ٽنگيل آهي جو 1981ع کانپوءِ ٿيل ڪنهن به آدمشماريءَ جا انگ اکر قبول نه ڪيا ويا آهن. ان صورتحال صوبن سان هڪ سطح تي ۽ وفاق سان ٻي سطح تي ٽڪرائن کي جنم ڏنو آهي، ٻئي طرف ڀروسا ڀرڻ لڳا آهن ۽ ٽئين طرف ترقيءَ لاءِ ڪي به رٿابنديون ڪو نه ٿي رهيون آهن.
هيڏن سارن سياسي مفادن جي هوندي ۽ سچ ۾ ڪوڙ جي ملاوت کي ڏسي اهو ويتر ضروري ٿي پوي ٿو ته هڪ ڀيرو سڄي ملڪ ۾ صاف سٿري آدمشماري ٿي وڃي پر جيڪڏهن ايئن ملڪي سطح تي ڪرڻ ممڪن نه آهي ته گهٽ ۾ گهٽ سنڌ سطح تي شفاف آدمشماري ٿين گهرجي ۽ آباديءَ جو سڄو رڪارد ڪمپيوٽرائزڊ رکيو وڃي. حڪومت پنجاب جيڪڏهن ان اعتراض ڪري ٿي ته سنڌ وارا پنهنجي ليکي آدمشماري ڇو ڪرائين ته کين دليل ڏيئي سگهجي ٿو ته سنڌ جا مسئلا هن وقت ان موڙ تي بيٺا آهن جن جو حل فقط تڏهن نڪرندو جڏهن آدمشماريءَ جا نتيجا پڌرا ٿين.