ابڙو اڪيڊمي Abro Academy
2020-11-06
داخلا نمبر 1224
عنوان فوجي بغاوت لاءِ اُڀارڻ ڏوهه ناهي؟
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1102
داخلا جو حوالو:
هن داخلا جون تصويرون نه مليون
ان ڳالهه تي آهي ته جڏهن مارشل لا جي دور ۾ عام شهرين تي حڪومت مخالف نعرا هڻڻ تي خاص ۽ سرسري فوجي عدالتون ڪيس هلائينديون هيون، تڏهن سپريم ڪورٽ، اڄوڪا جوشيلا سياستدان ۽ عالم سڳورا ڪو نه ڪڇندا هئا بلڪ سرسري عدالت جي ميجر جو فيصلو سپريم ڪورٽ ۾ چئلينج ڪري نه سگهبو هو. هاڻي ته گنگا ابتي پئي وهي! فوجي آفيسرن تي چونڊيل حڪومت خلاف فوجي بغاوت جو ڪيس ”ڪورٽ مارشل“ بدران عام عدالت ۾ هلائڻ جو مطالبو ٿي رهيو آهي! ۽ ان کي ”جمهوري جي تقاضا“ سڏيو پيو وڃي توڻي جو اپکنڊ جي تاريخ اهڙن ڪيسن کي اڪلائڻ بابت خاص روايتن تي واضح آهي.
هاڻوڪي حڪومت جي ڪمزورين ۽ چڱاين تي تنقيدي نظر وجهڻ سان هڪ نئين ڳالهه سامهون آئي آهي. ان کان چڱي روايت ٻي ڪهڙي ٿيندي ته ناڪام فوجي بغاوت جو ڪيس ڪٿي هلي واري سوال تي سپريم ڪورٽ دليل ٻڌي رهي آهي. ڪالهه تائين عام شهري خاص فوجي عدالت طرفان ٻڌايل ڦاسيءَ جي سزا کي هاءِ ڪورٽ ته ڇا سپريم ڪورٽ ۾ به چئلينج ڪري نه سگهندا هئا. جمهوريت جا جمهوري ڦل پنهنجي جاءِ تي، اهو به عوام جو جمهوري حق آهي ته هڪ نئين فوجي بغاوت لاءِ اڀاريندڙ ماڻهن ۽ ادارن کي آئين ۽ قانون موجب عدالت جي ڪٽهڙي تائين آندو وڃي.