0000-00-00
داخلا نمبر 1671
عنوان قائوس سلطاني جو مقبرو( 1513ع :919هه )
شاخ ڪينجهر ڪوهستان
پڙهيو ويو 27756
داخلا جو حوالو:
هن داخلا جون تصويرون نه مليون
قائوس سلطاني جو مقبرو( 1513ع :919هه )
هيءَ پڪسري هڪ قبائين هم چورس اڏاوت هر پاسي کان 33 فٽ ڊگهي آهي. اُتر اوڀر واري ڪنڊ وٽ مٿي ڇت تي چڙهڻ جي ڏاڪڻ لاءِ ان سان هڪ ٻي به هم چورس 10 فٽ ايراضي شامل ڪئي وئي آهي. پيڙهه کان وٺي چار پنج فٽ مٿي پٿرن جي اوساري ڪيل آهي. ديوارون مٿي جيئن پوءِ تيئن سوڙهيون ٿينديون وڃن ٿيون . قائوس سلطانيءَ جي مقبري جو ٻاهريون ڏاکڻو پاسو مختلف نمونن جي چٽساليءَ سبب ڏاڍو وڻندڙ آهي. دروازو پٿر جي چوکاٺي تي مشتمل اٿس، جنهن کي ونگ آهي. در جي ٻنهي پاسي ونگن سان طاقچه اٿس جيڪي ديوار کان ٻاهر نڪتل جهروڪي نما درين جي مٿان آهن. هن مقبري جو اوڀاريون پاسو به لڳ ڀڳ ڏاکڻي حصي جهڙو آهي پر حالت وڌيڪ زبون اٿس. اوڀر کان ئي (ڏاکڻي ڪنڊ وٽ) مٿي چڙهڻ لاءِ ڏاڪڻ جو لنگهه اٿس. قائوس سلطانيءَ جي قبر جو تعويذ ڪرنگهيدار آهي جنهن تي عربي لکت ۽ گلڪاري وغيره ٿيل آهي.
قائوس سلطاني جي مقبري ۾ ٺهيل محراب به ڪافي خوبصورت آهي. جنهنن جي ٻنهي پاسن کان پاوا ٺاهيا ويا آهن. محراب جي ونگ نوڪدار آهي. پاون جي مٿان اڀن چوڪنڊن جي آرائش ۽ محراب جي پيشانيءَ تي عربي لکت آهي.