قمر شهباز

دت آئي.
برسات اخبار ۾ قمر شهباز جا ڪالم نهايت نمايان هلندا هئا. انهن ڏينهن ۾ آئون ان اخبار ۾ ايڊيٽر طور ڪم ڪندو هئس. سن 2001ع ڌاري کان ڪراچيءَ مان ”خبرون“ اخبار نڪرڻ لڳي. اتي امر جليل ۽ قمر شهباز جا ڪالم پڙهي ڏاڍي خوشي ٿيندي هئي. پوءِ جڏهن”خبرون“ اخبار ۾ ڪم ڪندڙ ٽيم مون کي ڪالم لکڻ لاءِ چيو، ته انهن وڏن قلمڪارن جي قطار ۾ لکڻ منهنجي لاءِ وڏي ڀاڳ جي ڳالهه هئي.
هر ڪنهن جو پنهنجو مزاج! هو ٻئي صاحب ڀوڳ چرچي طنز، مزاح ۽ علم جا بادشاهه هئا ۽ آئون بنهه سنجيده ماڻهو! ته به اخبار جي ڪنهن پڙهندڙ اخباري ڪالمن تي تبصرو ڪندي امر(سڀ ڪوڙ)، قمر (ڄڃ پرائي) ۽ بدر (آئينو) جي چڱي تعريف ڪئي. اها منهنجي لاءِ اعزاز جي ڳالهه هئي ته امر جليل ۽ قمر شهباز سان گڏ منهنجونالو به کنيو وڃي! آئون سمجهان ٿو ته اهو خبرون اخبار جو سڀ کان ڪامياب دور هو جڏهن الله بخش راٺوڙ ايڊيٽوريل صفحي لاءِ مواد جمع ڪندو هو، ظهير ميراڻي ايڊيٽر هو ۽ امر جليل سان گڏ قمرشهباز به ان صفحي لاءِ لکندو هو.
هندستان جي اديبن سان سٺي دعا سلام بلڪه رستا هئس. انڪري هندستاني ۽ پاڪستاني سنڌي اديبن جي وچ ۾ رابطي جو ذريعو به هو. ڀرپور ۽ خوش گذاريائين پر الائي ڇو نظر انداز هجڻ جو شڪوو هئس. حالانڪه سندس تحريرون خوب پڙهيون وينديون هيون. کيس اڪيلائيءَ جو احساس هو، شايد انڪري ته هو پاڻ عوامي طبقن کان ڪجهه پاسيرو رهيو. ۽ پوءِ تاريخ 5 مئي 2009 تي بنهه پاسيرو ٿي ويو ۽ گِذري (ڪراچي) جي قبرستان ۾ وڃي آرامي ٿيو.