ابڙو اڪيڊمي Abro Academy
2020-11-04
داخلا نمبر 947
عنوان لاوارث اٺڪنڊي ڇٽي:
شاخ منڇر گورک گاج دنيا
پڙهيو ويو 1129
داخلا جو حوالو:
هن داخلا جون تصويرون نه مليون
لاوارث اٺڪنڊي ڇٽي:
ٻيو اهم مقبرو اٺڪنڊي ڇٽي آهي جنهن کي وارثن ڏاڍي محبت سان ٺاهيو هوندو، هن وقت گمنام آهي. ان جو گنبذ به ڊهي چڪو آهي. هيءَ پڪسري ۽ پلستر ٿيل عمارت قبرستان جي ڏکڻ واري حصي ۾ آهي. هڪ اوچي چوڪنڊي چبوتري تي هي اٺڪنڊي عمارت اٺن پاس کان کليل آهي. وچ تي هڪ قبر آهي، جنهن تي ناسي ڪٿئي رنگ سان گلڪاري ڪئي وئي هئي. عمارت جي اندرئين پاسي به چٽساليءَ جا نشان آهن پر اهي هاڻي ذري گهٽ ڊهي چڪا آهن. خزاني کوجين هن عمارت کي سخت نقصان رسايو آهي. عمارت کي اتر پاسي کان چبوتري ۾ کاٽ هڻي لحد تائين سرنگهه هنئي وئي، جيڪا پوءِ جيئن جو تيئن کليل حالت ۾ ڇڏي وئي آهي. هي به شايد بنهه لاوارث مقبرو آهي، شايد انڪري ئي ڪنهن به لحد کي ڍڪڻ جي ڪوشش نه ورتي آهي.