ابڙو اڪيڊمي Abro Academy
2020-11-04
داخلا نمبر 961
عنوان لاکـو پـيـر Laakho Pir :
شاخ منڇر گورک گاج دنيا
پڙهيو ويو 1334
داخلا جو حوالو:
هن داخلا جون تصويرون نه مليون
لاکـو پـيـر Laakho Pir :
لوھڙيءَ کان چار ميل اُتر اوڀر ۾ (جيڪو نارا ڪئنال کان پري نه آھي) ھڪ ٻيو ماڳ ’لاکي پير‛ جي نالي سان مشھور آھي. ھي ماڳ جوھي روڊ ۽ اولھه نارا جي وچ ۾ زرخيز زمين تي آھي. جڏھن مجمدار ھتي پھتو، پير لاکي جي ماڳ تي ھڪ مسجد قائم ھئي. ھن ماڳ تي ڪوبه دڙو ڪونه ھو پر ان تي ٺڪر جو چُوڙيون، ٺڪر جا ڪيڪ، موجود ھئا جن مان ان جو زمانو ، يعني سنڌو تھذيبي دور پڌرو ٿي رھيو ھو. جڏھن آزمائشي کڏون ھنيون ويون ته ڳاڙھي رنگ تي ڪاري نقاشي، ٺڪر جي مخروط (cone) ، ٺڪر جون مورتيون، ڌرتي ماتا، ڍڳو، سوراخدار ٺڪريون، ٺڪر جو چُوڙيون، ٺڪر جا ڊگھا مَڻيا، ڏاند گاڏيِءَ جو رانديڪو، ماپ لاءِ پٿر جا مڪعب وَٽَ ۽ چقمقي پٿر جون ڇُريون مليون. ھتان لڌل ڪجھه ٺڪراٽو ’چانھوُءَ جي دڙي‛ ۽ ’علي مراد‛ جھڙو آھي.