ابڙو اڪيڊمي Abro Academy
2020-11-04
داخلا نمبر 931
عنوان لنگهه ٺُلهه
شاخ منڇر گورک گاج دنيا
پڙهيو ويو 1207
داخلا جو حوالو:
هن داخلا جون تصويرون نه مليون
لنگهه ٺُلهه
23 ڊسمبر 2007ع
لاڙڪاڻي کان 18 ڪلوميٽر اولهه ڏکڻ ۾ ڳوٺ خيرپور جوسي ويجهو ڳوٺ پکو آهي، جنهن جي ڀرسان ’لنگهه ڍنڍ‘ جي ڪنڌيءَ تي ڏکڻ پاسي ڪچسِرو ٺلهه قائم آهي. اهو ٺلهه به تاريخ کان آڳاٽن آثارن جي مٿان هڪ دڙي تي 25 بيٺو آهي. اهو اُڀو ۽ هر پاسي کان 20 فٽ کن ويڪرو چورس آهي. اولهه پاسي کان 70 فٽ ڊگهي ڏاڪڻ اٿس جيڪا مٿي چوٽيءَ تائين پهچائي ٿي. ٺلهه جي وچ ۾ 2.5 فٽ قطر جو گول پَڪسِرو مرڪز (core) آهي جنهن کي غالباَ مٿي تائين ٻاهرين چورس اوساري به آهي. اهو پڪسِرو حصو ٺلهه تي چڙهڻ کان پوءِ ئي نظر اچي ٿو ... هن ٺلهه کي اوڀر کان ونگدار سرنگهه ٺاهي وئي آهي، جنهن ۾ پڪيون سرون استعمال ٿيون آهن. ان ونگدار سرنگهه جي ڇيڙي تي ڏيوري يا ديو اسٿان ٺهيل آهي. جيئن ته هاڻي ان ڏيوريءَ ۾ ڪوبه بت وغيره رکيل نه آهي ۽ مقامي ماڻهو ٺلهه جي اصليت کان به واقع نه آهن، انڪري ان مورتي اسٿان تي هن وقت اهڙا ساوا ۽ ڳاڙها رومال رکيل هئا، جن ۾ قرآن شريف کي ويڙيو ويندو آهي. اهو ونگدار لنگهه به قد آدم، 3 فٽ کن خلاصو ۽ اندر 12- 10 فٽ اونهو آهي.