لوهاري، ڪنڀاري، جهنڊر ڪوراڙ

لوهاري، ڪنڀاري، جهنڊر ڪوراڙ Spalerosophis articeps / Royal snake /

ساڳي diadema ڪوراڙ جڏهن وڏي ڄمار کي پهچندي آهي تڏهن ان جو رنگ پيلاهٽ مائل يا هلڪو گلابي ٿي پوندو آهي، جنهن تي ڪٿي ڪٿي ڪي ڇِلر ڪارا ٿي پوندا آهن، ان جو مٿو ڳاڙهو يا تمام ڪارو ٿي ويندو آهي، پيٽ هلڪو گلابي هوندو آهي جنهن تي ڪٿي ڪٿي هلڪا هلڪا ڪارا داغ هوندا آهن.
هيءَ وڏي قد جي سهڻي بلا آهي جيڪا اڪثر انساني آبادين ۾ داخل ٿي گهرن ۾ گهڙي ويندي آهي. جتي وڏي جسم سبب جلدي نظرن ۾ اچي ويندي آهي ۽ مارجي ويندي آهي. ان جي خوبصورتيءَ سبب عالمي بازار ۾ ان جي طلب رهندي آهي. گهڻا ماڻهو ان جي کل حاصل ڪرڻ لاءِ ان کي پڪڙيندا آهن. هيءَ بلا سڄي هندستان پاڪستان، ايرن، افغانستان، ترڪستان ۽ اتر آفريڪا ۾ ٿئي ٿي.
سنڌي جوڳي هن رنگت واري ڪوراڙ کي لوهاري ۽ ڪنڀاري چوندا آهن. ان جي منڍيءَ تي موجود ڪاراڻ کي جهنڊ ۽ ان جهنڊ سبب ان بلا کي جهنڊر ڪوراڙ چوندا آهن.