لٺ بُٺي

لٺ بُٺي

مول ويندي جلد ئي اهڙي مخروطي بٺيءَ تي نظر پئي جنهن تي هڪ ڊگهو پٿر اُڀي لٺ وانگر بيٺو هو. اها لٺ 2.40 ميٽر ڊگهي آهي. اها ان جي قدرتي بيهڪ نه آهي پر گهڻن ماڻهن ڪنهن خاص ٽيڪنڪ سان ان پٿر کي ان هنڌ اُڀو ڪري بيهاريو آهي. ان کي ايڏي محنت سان اُڀو بيهارڻ جو ڪهڙو راز ٿي سگهي ٿو؟ شايد ڪنهن وقت ۾ اهو ڪنهن منزل يا حد جو نشان هجي! شايد ڪنهن واٽ جي نشاندهي هجي! شايد ڪنهن واقعي جو يادگار (Menhar) هجي. چؤطرف پري پري تائين ڪو به ماڻهو نظر نه آيو، اسان ان ماڳ جو نالو رکيو ’لٺ بٺي‘ بُٺيءَ تي ٻي ڪابه ثقافتي سرگرمي نظر نه آئي. ’لٺ بٺي‘ ڳوٺ صالح پالاريءَ کان هڪ ڪلوميٽر ڏکڻ طرف آهي. پٿر جي ماپ هن ريت آهي. اوچائي 2.40 ميٽر، بنياد وٽ ويڪر 0.75 ميٽر ٽاپ وٽ ويڪر 0.55 ميٽر ۽ ٿولهه 0.20 سينٽي ميٽر.