مائي ڳاڙهي

مائي ڳاڙهي


مائي ڳاڙهي جو مقبرو ديهه ڳاڙي، تپو منگهو ۽ يونين ڪائونسل منگهو پير ۽ گڏاپ ٽائون جي حدن ۾ عبدالله رند ڳوٺ، واقع حب ندي آهي. اورنگيءَ کان 6 ڪلوميٽر ڏکڻ اولهه ۾ لسٻيلي ڏانهن ويندڙ شاهراه تي حب نديءَ کان اوڀر ۾ واقع آهي. هي ٽاڪرو علائقو آهي. هتي پهچڻ جو ٻيو رستو حب شاهراه کان (8+6 ڪلوميٽر) آهي. نادرن باءِ پاس کان هلڪاڻي کان پوءِ حب جي ڪناري هڪ درگاهه نظر ايندي. روايتن موجب مائي صاحبه جو اصل نالو ’نوري‘ هو، جڏهن شاهه لطيف هنگلاج ڏانهن وڃي رهيو هو ، تڏهن هتي سندس ملاقات مائي ڳاڙهيءَ سان ٿي هئي. ملاقات کان پوءِ مائيءَ وجد ۾ اچي پاڻ کي ٻرندڙ ڪڙاهيءَ ۾ کڻي اڇلايو پر کيس ڪجههه به نه ٿيو، سواءِ ان جي ته سندس رنگ ڳاڙهو ٿي ويو. مائي ڳاڙهيءَ جي ڪرامت آهي ته هن جي هڪ معتقد عورت مائي چنگوري روحاني طاقت سان پرواز ڪندي هئي. مائي ڳاڙهيءَ جو عرس هر سال شوال ۾ 12، 13 ۽ 14 تي لڳندو آهي. هتي مقامي رند هر سال ميلو هڻندا آهن. ٻيون قومون بروهي ۽ برفت آهن. روايت موجب هن جاءِ تي هڪ وڏي ڇپ هيٺان اڏ ۾ مائي ڳاڙهيءَ چلو ڪڍيو هو.


سندس عقيدمندن مائي صاحبه تي 1984ع ۾ مقبرو اڏائي ڇڏيو آهي.


هونئن هن تان ماڳ تاريخ کان آڳاٽيون شيون به ملن ٿيون، مائي ڳاڙهيءَ جي مزار کان هڪ ڪلوميٽر جي پنڌ تي هڪ گوربنديءَ جا نشان آهن.----kohistan2024_07_19_20_12_files-- --